എങ്ങനെ സ്വയം ശ്രുശ്രൂഷിക്കുന്നു എന്നതിനെ ആശ്രയിച്ചാണ് നമ്മുടെ ശക്തിയും ചാരുതയുമൊക്കെ നിലനില്‍ക്കുന്നത്, ലക്ഷ്മി നക്ഷത്ര പറയുന്നു

മിനിസ്‌ക്രീന്‍ പ്രേക്ഷകരുടെ പ്രിയ അവതാരകയാണ് ലക്ഷ്മി നക്ഷത്ര. ടമാര്‍ പടാര്‍, സ്റ്റാര്‍ മാജിക്, സൂപ്പര്‍ പവര്‍ എന്നീ പരിപാടികളിലൂടെ പ്രിയ അവതാരകയായി മാറുകയായിരുന്നു നടി. ഇപ്പോള്‍ തന്റെ മുപ്പതാം പിറന്നാള്‍ ആഘോഷമാണ് നടി. ലക്ഷ്മിക്ക് ആശംസകള്‍ അറിയിച്ച് നിരവധി പേര്‍ രംഗത്തെത്തി. സ്റ്റാര്‍ മാജിക് ഫെയിം താരങ്ങളെല്ലാം തങ്ങളുടെ സോഷ്യല്‍ മീഡിയ അക്കൗണ്ടുകളിലൂടെ ലക്ഷ്മിക്ക് ആശംസ അറിയിച്ചു.

സോഷ്യല്‍ മീഡിയയില്‍ ഏറെ സജീവമാണ് ലക്ഷ്മി നക്ഷത്ര. പിറന്നാള്‍ ദിനത്തില്‍ ലക്ഷ്മി നക്ഷത്ര പങ്കുവെച്ച ഒരു ചിത്രവും അതിനൊപ്പം കുറിച്ച ഒരു ക്യാപ്ഷനാണ് ശ്രദ്ധേയനാകുന്നത്. പിറന്നാള്‍ സ്‌പെഷ്യല്‍ ഫോട്ടോഷൂട്ടില്‍ നിന്നുമുള്ള ഒരു ചിത്രമാണ് ലക്ഷ്മി പങ്കുവെച്ചിരിക്കുന്നത്. നിങ്ങളെ എങ്ങനെ കൊണ്ടു നടക്കുന്നു എന്നതിനെ ആശ്രയിച്ചാണ് നിങ്ങളുടെ ശക്തിയും ചാരുതയുമുള്ളതെന്നും അതിനെ ഇല്ലാതാക്കരുതെന്നാണ് ലക്ഷ്മി കുറിച്ചിരിക്കുന്നത്. റെഡ് എഫ്എമ്മിലെ ആര്‍ജെ കൂടിയാണ് ലക്ഷ്മി നക്ഷത്ര. ലക്ഷ്മി ഉണ്ണിക്കൃഷ്ണന്‍ എന്നാണ് യഥാര്‍ത്ഥ പേര്. ചാനലിലേക്ക് എത്തിയപ്പോഴാണ് താരം ലക്ഷ്മി നക്ഷത്ര എന്ന പേര് സ്വീകരിച്ചത്.

സോഷ്യല്‍ മീഡിയയില്‍ ഏറെ സജീവവുമാണ് ലക്ഷ്മി നക്ഷത്ര. സ്വന്തമായൊരു യൂട്യൂബ് ചാനലും ലക്ഷ്മിക്കുണ്ട്. താരം പങ്കുവെയ്ക്കുന്ന വീഡിയോകളും ഏറെ ശ്രദ്ധിക്കപ്പെടുന്നുണ്ട്. തൃശൂര്‍ കൂര്‍ക്കഞ്ചേരി സ്വദേശിയായ ലക്ഷ്മി സ്‌കൂള്‍ കലോത്സവങ്ങളില്‍ നിരവധി മത്സരങ്ങളില്‍ പങ്കെടുത്തിട്ടുണ്ട്. 2007ല്‍ റെഡ് എഫ്എമ്മിലാണ് ലക്ഷ്മി ആദ്യമായി റേഡിയോ ജോക്കിയായി പ്രവര്‍ത്തിച്ചത്.നിരവധി സ്റ്റേജ് ഷോകളുടെ അവതാരകയും റേഡിയോ ജോക്കിയുമായ ലക്ഷ്മിക്ക് 30 ാം പിറന്നാളാണ്.