മലയാളികളുടെ പ്രിയപ്പെട്ട നടിയാണ് ലക്ഷ്മി പ്രിയ. സിനിമകളിലൂടെയും ടെലിവിഷൻ സീരിയലുകളിലൂടെയും പ്രേക്ഷകർക്ക് സുപരിചിതയാണ് താരം. നിലവിൽ ബിഗ്സ്ക്രീനിൽ നടി അത്ര സജീവമല്ലെങ്കിലും മിനി സ്ക്രീനിൽ തിളങ്ങി നിൽക്കുകയാണ് നടി. ജയേഷാണ് ലക്ഷ്മിപ്രിയയുടെ ഭർത്താവ്. ദമ്പതികൾക്ക് മാതംഗി എന്നൊരു മകളുമുണ്ട്. സോഷ്യൽ മീഡിയയിൽ സജീവമായ നടി തങ്ങളുടെ വിശേഷങ്ങൾ പങ്കുവെച്ച് രംഗത്ത് എത്താറുണ്ട്. പലപ്പോഴും തന്റെ ജീവിത കഥ ലക്ഷ്മിപ്രിയ വെളിപ്പെടുത്തിയിട്ടുണ്ട്. മകളായ മാതംഗിയുടെ എട്ടാം പിറന്നാളാഘോഷത്തെക്കുറിച്ചും, ആശംസ അറിയിച്ചവര്ക്ക് നന്ദി അറിയിച്ചും എത്തിയിരിക്കുകയാണ് ലക്ഷ്മി പ്രിയ. ഫേസ്ബുക്ക് പോസ്റ്റിലൂടെയായിരുന്നു താരം വിശേഷങ്ങള് പങ്കുവെച്ചത്.
അങ്ങനെ എന്റെ മാതുവിനൊപ്പം അവളുടെ അമ്മയായും കൂട്ടുകാരിയായും 8 വർഷങ്ങൾ ഞാൻ പൂർത്തിയാക്കി. ജീവിതത്തിലെ ഏറ്റവും വലിയ സൗഭാഗ്യങ്ങളിലൊന്ന് അമ്മ എന്ന വിളി കേൾക്കാൻ കഴിയുക എന്നത് തന്നെയാണ്. അതിലും വലിയ മറ്റൊരു ഭാഗ്യം നമ്മുടെ കുഞ്ഞ് മക്കൾ നമ്മെ മനസിലാക്കുക എന്നതാണ്. എന്റെ അമ്മ എത്ര കൈൻഡാണ്? അമ്മ ഞാൻ പറഞ്ഞു തീരുന്നത് മുഴുവൻ കേൾക്കും. എന്നൊക്കെ പറഞ്ഞു കേൾക്കുമ്പോ നമുക്കുണ്ടാകുന്ന ആനന്ദം പറഞ്ഞറിയിക്കാൻ വാക്കുകൾ ഇല്ല.
ഒന്നാം പിറന്നാൾ മുതൽ ഏഴാം പിറന്നാൾ വരെ വലിയ ഗ്രാൻഡ് പാർട്ടി ഒക്കെ ആയിരുന്നു. ഈ കൊല്ലം അതുവേണ്ട എന്ന് ആദ്യമേ നിശ്ചയിച്ചു. പകരം ചില നല്ല കാര്യങ്ങൾ ചെയ്തു. അകലെ നിന്നും സമ്മാനങ്ങൾ അയച്ച എല്ലാവരെയും നിറഞ്ഞ സ്നേഹത്തോടെ ഓർക്കുന്നു. ഞങ്ങൾ ഓർമ്മിപ്പിക്കാതെ, ക്ഷണിക്കാതെ നവംബർ 6ന്റെ പല നേരങ്ങളിൽ ഓടി വന്ന സുഹൃത്തുക്കളെ ഓർക്കുന്നു. ഓർമ്മിച്ചിരുന്ന് ആശംസകൾ അറിയിച്ച എല്ലാവരെയും ഓർക്കുന്നു.
മാതു ജനിച്ച സമയം മുതൽ ഈ എട്ട് കൊല്ലവും എല്ലാ തിരക്കും മാറ്റി വച്ച് മക്കളുമായി ഓടിയെത്തി പിറന്നാൾ ദിനം മനോഹരമാക്കുന്ന എന്റെ ഊർമ്മിള ഉണ്ണിക്കും മാതുന്റെ മമ്മ, ഉണ്ണി മാമയ്ക്കും മക്കൾക്കും നിറഞ്ഞ സ്നേഹം.പിന്നെ മാതുവിന്റെ പേരിൽ തെരുവോരങ്ങളിലെ അശരണർക്ക് ഭക്ഷണത്തോടൊപ്പം മധുര പലഹാരങ്ങളും വിതരണം ചെയ്ത എന്റെ കൂടെപ്പിറപ്പ് അഞ്ജു ന് ഹൃദയം നിറഞ്ഞ സ്നേഹം. പിന്നെ ആശംസകൾ കൊണ്ട് ഞങ്ങളുടെ ഈ ദിനം അവിസ്മരണീയമാക്കിയ നിങ്ങൾക്കോരോരുത്തർക്കും ഞങ്ങളുടെ സ്നേഹവും നന്ദിയും അറിയിക്കട്ടെ എന്നുമായിരുന്നു ലക്ഷ്മി പ്രിയ കുറിച്ചത്.
അമ്മയുടെ ജന്മ പുണ്യത്തിന് ഇന്ന് എട്ട് വയസ്സ്! എന്റെ പൊന്നിനെ ഞങ്ങൾക്കായി നൽകിയ ഗുരുവായൂർ കണ്ണനും ദേവി മൂകാംബികയ്ക്കും നന്ദി അറിയിക്കുന്നു. ശരിയ്ക്കും മാതു നീയെനിക്ക് അതിശയമാണ്. അളവറ്റ സ്നേഹവും സഹാനുഭൂതിയും നിന്റെ ജിജ്ഞാസയും കൊണ്ട് എന്നെ എന്നും അത്ഭുതപ്പെടുത്തുന്നു. എന്റെ മകൾ മേലിലും അങ്ങനെയായിരിക്കട്ടെ. പഠിച്ചു മിടുക്കിയായി ഈ ലോകത്തിന് മാതൃകയായി വളരുക. എല്ലാ നന്മകളും നേരുന്നുവെന്നും തൊട്ടുമുൻപുള്ള കുറിപ്പിലെ ആശംസ ഇങ്ങനെയായിരുന്നു.
ലഖ്നൗ : നവദമ്പതിമാരുടെ ചുംബനത്തെ ചൊല്ലി വരന്റെയും വധുവിന്റെയും ബന്ധുക്കൾ വിവാഹച്ചടങ്ങിനിടെ ഏറ്റുമുട്ടി. ഉത്തർപ്രദേശിലെ ഹപുരിലുള്ള അശോക് നഗറിലാണ് സംഭവം.…
കോയമ്പത്തൂര്: ഭാരതീയാര് സര്വകലാശാലയുടെ കോയമ്പത്തൂര് ക്യാമ്പസില് കാട്ടാന ആക്രമണം. സുരക്ഷാ ജീവനക്കാരന് മരിച്ചു. കോയമ്പത്തൂര് സ്വദേശി ഷണ്മുഖം (57) ആണ്…
തൃശൂർ : ജൂൺ നാലിന് ഫലം വരുമ്പോൾ നരേന്ദ്രമോദി മൂന്നാമതും പ്രധാനമന്ത്രിയാകുമെന്ന് പദ്മജ വേണുഗോപാൽ. അദ്ദേഹത്തിന്റെ പ്രവർത്തനങ്ങളിൽ ആകൃഷ്ടയായാണ് ഞാൻ…
പാലക്കാട്: കൊല്ലങ്കോട് വാഴപ്പുഴയില് പുലി ചത്തത് ആന്തരിക രക്തസ്രാവം മൂലം ഉണ്ടായ ഹൃദയാഘാതത്തെ തുടര്ന്നെന്ന് പോസ്റ്റ്മോര്ട്ടം റിപ്പോര്ട്ട്. കമ്പിവേലിയില് കുരുങ്ങിയത്…
തിരുവനന്തപുരം: 14-കാരിയെ വർക്കലയിൽ കടലിൽ മുങ്ങിമരിച്ച നിലയിൽ കണ്ടെത്തി. വർക്കല വെൺകുളം സ്വദേശിനിയായ ശ്രേയയാണ് മരിച്ചത്. ഇന്ന് ഉച്ചയ്ക്ക് 12.30…
മതത്തിൻ്റെ പേരിൽ ബംഗാളിലെ തൃണമൂൽ സർക്കാർ നടപ്പിലാക്കിയ സംവരണം കൽക്കത്ത ഹൈക്കോടതി എടുത്ത് കളഞ്ഞത് സ്വാഗതാർഹമാണെന്ന് ബിജെപി സംസ്ഥാന അദ്ധ്യക്ഷൻ…