ദേവി മൂകാംബികയും ഗുരുവായൂർ കണ്ണനും ചേർന്ന് സമ്മാനിച്ച കണ്മണി, മകൾക്ക് പിറന്നാൾ ആശംസയുമായി ലക്ഷ്മി പ്രിയ

ബിഗ് സ്‌ക്രീൻ പ്രേക്ഷകർക്കും മിനിസ്‌ക്രീൻ പ്രേക്ഷകർക്കും ഒരുപോലെ പരിചയമുള്ള മുഖമാണ് ലക്ഷ്മിപ്രിയയുടേത് .കഥ തുടരുന്നു എന്ന ജയറാം ചിത്രത്തിലെ തന്റേടിയായ മല്ലിക എന്ന കഥാപാത്രത്തിലൂടെ പ്രേക്ഷക മനസ്സിൽ ഇടം നേടിയ താരമാണ് ലക്ഷ്മിപ്രിയ ഏറെ വർഷങ്ങങ്ങളുടെ കാത്തിരിപ്പിനൊടുവിലാണ് ഒരു കുഞ്ഞിനെ ലഭിച്ചത്. ലക്ഷ്മി കുഞ്ഞിന് നൽകിയിരിക്കുന്ന പേര് മാതംഗി എന്നാണ്.

ഏറെ പ്രതിസന്ധികൾ നിറഞ്ഞ കാത്തിരിപ്പിനൊടുവിൽ ആറാം മാസത്തിൽ ജനിച്ച കുഞ്ഞാണ് മാതംഗിയെന്ന് ലക്ഷ്മി പലതവണ പറഞ്ഞിട്ടുണ്ട്.മകളുടെ പിറന്നാൾ ദിനത്തിൽ ഹൃദയസ്പർശിയായ ഒരു കുറിപ്പുമായി എത്തിയിരിക്കുകയാണ് നടി. ഒരു തുലാം മാസത്തിൽ വൈകീട്ട് 5.51നാണ് ദേവി മൂകാംബികയും ഗുരുവായൂർ കണ്ണനും ചേർന്ന് സമ്മാനിച്ച കണ്മണി ജീവിതത്തിലേക്ക് എത്തുന്നതെന്ന് ലക്ഷ്മി കുറിപ്പിലൂടെ പറയുന്നു.

കുറിപ്പിന്റെ പൂർണ്ണരൂപം

അമ്മയുടെ കാത്തിരിപ്പിന്,സ്വപ്നത്തിന്, പ്രതീക്ഷയ്ക്ക്, പ്രത്യാശയ്ക്ക് ഇന്ന് അഞ്ചു വയസ്സ് തികയുന്നു….അഞ്ചു വർഷങ്ങൾക്കു മുൻപ് ഒരു തുലാം മാസത്തിൽ വൈകിട്ട് 5.51 ന് ദേവി മൂകാംബികയും ഗുരുവായൂർ കണ്ണനും ചേർന്ന് സമ്മാനിച്ച കണ്മണി, എല്ലാ നവംബർ 6 തലേന്നും അമ്മ സൂപ്പർ എക്സയിറ്റെഡ് ആയി ഇങ്ങനെ നിന്നെയും നോക്കി ഇരിക്കാറുണ്ട്.എൻ ഐ സി യുവിന്റെ വാതിൽക്കലിൽ നിന്നെ ഒരു നോക്കു കാണാൻ കാത്തു നിന്നപ്പോൾ ആണ് ആദ്യമായി സാനിട്ടയ്‌സറും മാസ്ക് ഉം ഉപയോഗിക്കുന്നത്.

ഇന്നതൊക്കെ ജീവിതത്തിന്റെ ഭാഗമായി. ഞാൻ ആദ്യമായി സ്പർശിച്ച നിന്റെ കാൽപ്പാദങ്ങളിൽ ഇന്നും ആദ്യമായി തൊട്ട അനുഭൂതിയോടെ തൊടുന്നു…. നീ എന്നത് എന്തു താരം വികാരമാണ് എന്ന് എനിക്ക് പറഞ്ഞറിയിക്കുവാൻ കഴിയില്ല…പൊന്നുമകൾ ദീർഘായുസ് ആയി ഇരിക്കുക , സന്തോഷവതിയായി ഇരിക്കുക, സൗഭാഗ്യവതിയായി ഇരിക്കുക. മണ്ണിനെ അറിയുക, മനുഷ്യനെ അറിയുക, നല്ല മനുഷ്യനായി പ്രകൃതി സ്നേഹിയായി നല്ല ഭക്തിയോടെ വളരുക. നാല് പിറന്നാളുകളും ഗംഭീരമായി ആഘോഷിച്ചു. കൊറോണ കാരണം ഈ തവണ ആഘോഷങ്ങൾ ഇല്ല.. എല്ലാരും മോളെ അനുഗ്രഹിക്കണം.