സിനിമയിലെ സമത്വത്തിന്റെ കാര്യത്തിൽ മലയാളത്തെക്കാൾ മുന്നിൽ തമിഴ്നാട്- ലക്ഷ്മി രാമകൃഷ്ണൻ

ചക്കരമുത്ത് എന്ന സിനിമയിലൂടെ മലയാളികൾക്ക് ലഭിച്ച താരമാണ് ലക്ഷ്മി രാമകൃഷ്ണൻ. പ്രവാസിയായിരുന്ന താരം പിന്നാലെ നാട്ടിലെത്തി കലാജീവിതം ആരംഭിച്ചു. ഈറം, നാടോടികൾ തുടങ്ങിയ സിനിമകളിലൂടെ വളരെപ്പെട്ടെന്നു തന്നെ തമിഴക സിനിമാലോകത്ത് ശ്രദ്ധേയയായ ലക്ഷ്മി രാമകൃഷ്ണൻ, മിഷ്കിന്റെ യുത്തം സെയ് എന്ന സിനിമയിലെ മികച്ച പ്രകടനത്തിലൂടെ നിരൂപകപ്രശംസ പിടിച്ചുപറ്റി. ആ സിനിമയിലെ അന്നപൂർണി എന്നാ കഥാപാത്രം ഒരുപിടി പുരസ്കാരങ്ങളും അവർക്ക് നേടിക്കൊടുത്തു. വയലിൻ, ജൂലൈ 4, പിയാനിസ്റ്റ്‌, ജേക്കബിന്റെ സ്വർ​ഗ്​ഗരാജ്യം തുടങ്ങിയ മലയാള സിനിമകളിലും അഭിനയിച്ചു. എണ്ണത്തിൽ കുറവാണെങ്കിലും തെലുഗു സിനിമകളും ലക്ഷ്മിയിലെ അഭിനേത്രിയെ ഉപയോഗപ്പെടുത്തുന്നുണ്ട്.

സിനിമാഭിനയം കൂടാതെ തമിഴ് മിനിസ്ക്രീനിൽ സീരിയലിലൂടെയും റിയാലിറ്റി ഷോയിലൂടെയുമൊക്കെ സ്ഥിരസാന്നിദ്ധ്യമാണു ലക്ഷ്മി രാമകൃഷ്ണൻ. ലക്ഷ്മി രാമകൃഷ്ണൻ രചനയും സംവിധാനവും നിർവഹിച്ച ആദ്യസിനിമ, ആരോഹണം 2012 ൽ തമിഴ് ഭാഷയിൽ പുറത്തിറങ്ങി. ജേക്കബിന്റെ സ്വർഗരാജ്യത്തിലെ ഷേർളി ജേക്കബ് എന്ന കഥാപാത്രം വളരെ ശ്രദ്ധിക്കപ്പെട്ടു. ആദ്യം മുതൽ അവസാനം വരെ നിറഞ്ഞുനിന്ന ഒരു കഥാപാത്രം കൂടിയാണ് ലക്ഷ്മിയുടെത്.

ഇപ്പോഴിതാ സിനിമയിലെ സമത്വത്തെ കുറിച്ച്‌ താരം പറഞ്ഞ വാക്കുകൾ വൈറലാവുന്നു. സിനിമയിൽ സമത്വം ഒന്നും ഇല്ല. അത് മലയാളം ഇൻഡസ്ട്രിയെന്ന് പറയരുത് കേട്ടോ. ഞാനൊരു വീഡിയോ കണ്ടു. അതില് പദ്മപ്രിയ, രേവതി, പാർവതി എല്ലാവരും ഇരുന്ന് പറയുന്നത്. മുൻനിര താരങ്ങളായ നായികമാർ വന്ന് പരിചയപ്പെടുത്തുമ്പോൾ അഭിനേത്രികൾ, നടികൾ എന്ന് പറഞ്ഞു. ഞങ്ങൾക്ക് പേരുണ്ടെന്ന് അവരെല്ലാം പറഞ്ഞു അവര് പറയേണ്ട ഒരു സ്റ്റേജിലാണ് നമ്മൾ ഇന്നും ഉളളത്. സിനിമയിലെ സമത്വത്തിന്റെ കാര്യത്തിൽ തമിഴ്നാട് ആണ് ഇവിടത്തെക്കാൾ നല്ലത്