എല്ലാവരുടെയും മനസ്സിലുള്ള സ്‌നേഹം കണ്ടു കണ്ണ് നിറഞ്ഞു പോയി, ലക്ഷ്മിപ്രിയ പറയുന്നു

മലയാളികളുടെ പ്രിയപ്പെട്ട നടിയാണ് ലക്ഷ്മിപ്രിയ. മിനിസ്‌ക്രീനിലും ബിഗ്‌സ്‌ക്രീനിലും ഒരുപോലെ തിളങ്ങിയ താരം ഇപ്പോള്‍ സോഷ്യല്‍ മീഡിയകളിലും സജീവമാണ്. തന്റെ പിറന്നാളിനെ കുറിച്ച് ലക്ഷ്മിപ്രിയ പങ്കുവെച്ച കുറിപ്പാണ് ഇപ്പോള്‍ ശ്രദ്ധേയമാകുന്നത്. ആശംസ അറിയിച്ചവര്‍ക്ക് നന്ദി പറഞ്ഞാണ് നടിയുടെ കുറിപ്പ്. എല്ലാവരുടെയും മനസ്സിലുള്ള സ്‌നേഹം കണ്ടു കണ്ണ് നിറഞ്ഞു പോയി. എല്ലാ കമെന്റ്‌സും വായിച്ചു. എല്ലാപേര്‍ക്കും മറുപടി എഴുതാനാവുന്നില്ല, എല്ലാ ഫോണ്‍ കോള്‍സും അറ്റന്‍ഡ് ചെയ്യാനായില്ല എന്ന് ലക്ഷ്മിപ്രിയ കുറിച്ചു.

കുറിപ്പിന്റെ പൂര്‍ണരൂപം, ആശംസകള്‍ അനുഗ്രഹവര്‍ഷമായി പെയ്തിറങ്ങിയ പിറന്നാള്‍ ദിനമൊരുക്കി തന്നതിന് നിങ്ങള്‍ എല്ലാവര്‍ക്കും നന്ദി അറിയിക്കട്ടെ? എല്ലാവരുടെയും മനസ്സിലുള്ള സ്‌നേഹം കണ്ടു കണ്ണ് നിറഞ്ഞു പോയി. എല്ലാ കമെന്റ്‌സും വായിച്ചു. എല്ലാപേര്‍ക്കും മറുപടി എഴുതാനാവുന്നില്ല, എല്ലാ ഫോണ്‍ കോള്‍സും അറ്റന്‍ഡ് ചെയ്യാനായില്ല, വാട്‌സപ് മെസേജുകള്‍ക്ക് കൃത്യമായി മറുപടി എഴുതാന്‍ കഴിഞ്ഞില്ല. മനഃപൂര്‍വമല്ല. അത്രമാത്രം കോളുകള്‍ മെസേജുകള്‍ ഒക്കെ ഉണ്ടായിരുന്നു. ഒരു സാധാരണ ദിവസമായി കടന്നുപോകുമായിരുന്ന ദിവസത്തെ എല്ലാവരും ചേര്‍ന്നു അവിസ്മരണീയമാക്കി തന്നു ????. ഹൃദയം നിറഞ്ഞ നന്ദി.

ഇന്നലെ രാവിലെ മാത്രമാണ് തിരുവനന്തപുരത്തു നിന്ന് ഷൂട്ടിങ് കഴിഞ്ഞെത്തിയത്. ഈ ഡ്രസ്സ് എനിക്കും മാതുവിനും ഒരുക്കിത്തന്നത് ബിന്ദു പാര്‍ത്ഥന്‍ റോസ് പെറ്റല്‍സ് ഹരിപ്പാട് ആണ്. സുന്ദരിയായ ഒരു സ്ത്രീയുടെ രൂപമൊക്കെ വച്ച് അസ്സല്‍ ഇളനീര്‍ കേക്ക് ചെയ്തത് ആന്‍സി ആണ്. Anns Bakes. ഞങ്ങളുടെ ആഘോഷങ്ങള്‍ക്ക് ഒഴിവാക്കാനാവില്ല ആന്‍സിയുടെ യമ്മി കേക്ക്.

അതുപോലെ തന്നെ ഊര്‍മ്മിള Urmila Unni യും ഉണ്ണിയും M S Sujith Unni യും ഇല്ലാത്ത ഒരാഘോഷവും കടന്ന് പോയിട്ടില്ല ഏഴു കൊല്ലങ്ങള്‍ക്കിടയില്‍. കുറേ ദിവസങ്ങള്‍ വീട്ടമ്മ ഇല്ലാതെ അലങ്കോലപ്പെട്ടു കിടക്കുന്ന വീട് കാണിക്കാതിരിക്കാന്‍ ഞങ്ങള്‍ നേരെ റെസ്റ്റോറന്റ് ല്‍ ആണ് പോയത്.. സമ്മാനം, ഭക്ഷണം, പാട്ട്, ചിരി, പ്രാര്‍ത്ഥന. അതേ പിറന്നാള്‍ മനോഹരമായിരുന്നു.