കാത്തിരിക്കാൻ വയ്യ, കുടുംബം വലുതാകുന്നു, സന്തോഷ വാർത്ത പങ്കിട്ട് ലക്ഷ്മിപ്രിയ

മിനിസ്ക്രീനിലും ബി​ഗ് സ്ക്രീനിലുമൊക്കെയായി മലയാളി പ്രേക്ഷകർക്ക് ഏറെ സുപരിചിതയായ നടിയാണ് ലക്ഷ്‌മി പ്രിയ. 2005ൽ നരൻ എന്ന മോഹൻലാൽ ചിത്രത്തിലൂടെ അഭിനയരംഗത്തെത്തിയ ലക്ഷ്മിപ്രിയ 200 ലധികം സിനിമകളിൽ അഭിനയിച്ചിട്ടുണ്ട്. മികച്ച കഥാപാത്രങ്ങളിലൂടെ മലയാളി മനസ്സിൽ ഇടം നേടിയ ലക്ഷ്മി നല്ലൊരു എഴുത്തുകാരി എന്ന നിലക്കും തന്റെ കഴിവ് തെളിയിച്ചിരുന്നു. കഥയും കഥാപാത്രങ്ങളും സാങ്കല്പികമല്ല എന്ന കൃതി വളരേ പ്രശസ്തമാണ്. ബി​ഗ് ബോസ് സീസൺ ഫോറിലെ മത്സരാർത്ഥികൂടിയായിരുന്ന ലക്ഷ്മിപ്രിയ ഇടക്ക് സൈബർ ആക്രമണങ്ങളും നേരിടാറുണ്ട്.

ഇപ്പോഴിതാ ലക്ഷ്മിയുടെ വാക്കുകൾ ആണ് സോഷ്യൽ മീഡിയയിൽ ട്രെൻഡിങ് ആകുന്നത്. എന്നാൽ സംഭവം എന്തെന്ന് അറിയാനുള്ള ആകാംക്ഷയിൽ ആണ് പ്രേക്ഷകർ. എന്റെ കുടുംബം കുറച്ചുകൂടി വളർന്നു. അനുജനും അനുജത്തിയും…..ഇന്ന് പോസ്റ്റ് ചെയ്യാൻ മറ്റൊരു കാരണം കൂടിയുണ്ട്. കുറച്ച് ദിവസങ്ങൾ കൂടി കാത്തിരിക്കൂ. ദൈവമേ നന്ദി എന്നാണ് ലക്ഷ്മി സോഷ്യൽ മീഡിയയിൽ കുറിച്ചത്. റോബിനും ആരതി പൊടിക്കും ഒപ്പമുള്ള ചിത്രത്തിന് ഒപ്പമാണ് ലക്ഷ്മി ക്യാപ്‌ഷൻ പങ്കുവച്ചത്.

അതേസമയം ഇപ്പോൾ എന്തിനാണ് ഇത്തരമൊരു ക്യാപ്‌ഷൻ, എന്നും ലക്ഷ്മിയുടെ പിറന്നാൾ ദിനം ആണല്ലോ ഇന്ന് എന്തായിരിക്കും ആ സന്തോഷ വാർത്ത എന്നാണ് ആരാധകർ കമന്റുകളിലൂടെ പറയുന്നത്.