കാശ്മീരിൽ ലഷ്‌കർ-ഇ-തൊയ്ബ കമാന്റർമാർ സൈന്യത്തിന്റെ വലയിൽ കുടുങ്ങി- രൂക്ഷമായ ഏറ്റുമുട്ടൻ നടക്കുന്നു

ജമ്മു കശ്മീരിലെ പുൽവാമ ജില്ലയിൽ ലഷ്‌കർ-ഇ-തൊയ്ബയുടെ 2 കൊടും ഭീകരരേ ഇന്ത്യൻ സൈന്യം വളഞ്ഞു.തെക്കൻ കശ്മീരിലെ പുൽവാമ ജില്ലയിൽ താമസിക്കുന്നവരാണ് ഭീകരരായ റയീസ് അഹമ്മദും റിയാസ് അഹമ്മദ് ദാറും ആണ്‌ കൊടും ഭീകരന്മാർ.പാകിസ്ഥാൻ ആസ്ഥാനമായുള്ള ലഷ്‌കർ-ഇ-തൊയ്ബയുടെ ശാഖയായ ദി റെസിസ്റ്റൻസ് ഫ്രണ്ടിലെ രണ്ട് ഉന്നത കമാൻഡർമാർ ആണ്‌ സൈന്യത്തിന്റെ വലയിലായത്.

ഇവരെ ജീവനോടെ പിടികൂടുമോ വധിക്കുമോ എന്ന് കാത്തിരിക്കുകയാണ്‌. പുൽവാമയിലെ നെഹാമ മേഖലയിൽ ഭീകരരുടെ ഒളിത്താവളത്തെക്കുറിച്ച് സുരക്ഷാ സേനയ്ക്ക് വിവരം ലഭിച്ചതിനെ തുടർന്നാണ് ഏറ്റുമുട്ടൽ ആരംഭിച്ചത്. സുരക്ഷാ സേനയും പോലീസും കോർഡൺ ആൻഡ് സെർച്ച് ഓപ്പറേഷൻ ആരംഭിച്ചപ്പോൾ, ഭീകരർ സേനക്കെതിരെ വെടിയുതിർത്തു

തുടർന്നാണ്‌ ഭീകര താവളം സൈന്യം വളയുന്നത്.സൈന്യത്തിന്റെ വെടിവയ്പ്പിൽ ഇവർ ഒളിച്ചിരുന്ന വീടിൽ നിന്നും ആകാശത്തേക്ക് പുക ഉയരുന്നത് കാണാം. കാശ്മീർ പുൽ വാമയിലെ ഒരു വീടിലാണിവർ ഒളിച്ചിരിക്കുന്നത്.ഭീകരർ കുടുങ്ങിക്കിടക്കുന്ന നിഹാമ മേഖലയിലെ വീടിന് തീപിടിച്ചിട്ടുണ്ട്. ഇത് ഭീകരന്മാർ തീയിട്ടതാണോ അതോ സൈനീക വെടിവയ്പ്പിൽ പിടിച്ചതാണോ എന്ന് വ്യക്തമല്ല. സൈന്യം തീയിട്ട് ഭീകരന്മാരേ പുറത്ത് ചാടിക്കുന്നതാണോ എന്നും സംശയിക്കുന്നു.ഏറ്റുമുട്ടൽ നടക്കുകയാണ്.

വെടിവയ്പ്പ് നടക്കുന്നുണ്ടെന്നും ഇരുവശത്തും ഇതുവരെ ആളപായമൊന്നും റിപ്പോർട്ട് ചെയ്തിട്ടില്ലെന്നും കാശ്മീർ പോലീസ് എക്സിൽ കുറിച്ചു.മെയ് ഏഴിന് ജമ്മു കശ്മീരിലെ കുൽഗാമിൽ സുരക്ഷാ സേനയുമായുണ്ടായ ഏറ്റുമുട്ടലിൽ രണ്ട് ഭീകരർ കൊല്ലപ്പെട്ടിരുന്നു. ലഷ്‌കർ പിന്തുണയുള്ള തീവ്രവാദ സംഘടനയായ റെസിസ്റ്റൻസ് ഫ്രണ്ടിൻ്റെ (ടിആർഎഫ്) സജീവ പ്രവർത്തകനായിരുന്ന ബാസിത് ദാറും ഏറ്റുമുട്ടലിൽ കൊല്ലപ്പെട്ട ഭീകരരിൽ ഉൾപ്പെടുന്നു.