തലസ്ഥാനത്ത് ലീഡുകൾ മാറി മാറിയുന്നു, പന്ന്യൻ രവീന്ദ്രന്റെ പൊടി പോലും ഇല്ല

തിരുവനന്തപുരം : കേരളത്തിൽ വോട്ടെണ്ണൽ പുരോഗമിക്കുമ്പോൾ തൃശ്ശൂരിൽ ബിജെപി അക്കൗണ്ട് തുറക്കുമെന്ന് ഉറപ്പിച്ചിരിക്കുകയാണ്. സുരേഷ് ഗോപി 20,000ത്തിന് പുറത്ത് ഭൂരിപക്ഷത്തോടെ ലീഡ് ചെയ്യുകയാണ്. എന്നാൽ തിരുവനന്തപുരം മാത്രം ഇപ്പോഴും പ്രവചനാതീതമായി തുടരുകയാണ്. എൻ ഡി എ സ്ഥാനാർത്ഥിയും കേന്ദ്രമന്ത്രിയുമായ രാജീവ് ചന്ദ്രശേഖറും യു ഡി എഫ് സ്ഥാനാർത്ഥി ശശി തരൂരും തമ്മിലാണ് കനത്ത മത്സരം നടക്കുന്നത്.

11മണിവരെയുള്ള കണക്കുകൾ പ്രകാരം 77, 320 വോട്ടുകൾ നേടിയ രാജീവ് ചന്ദ്രശേഖർ ശശി തരൂരിനേക്കാൾ 5,783 വോട്ടിന് ലീഡ് ചെയ്യുകയാണ്. 71,537 വോട്ടുകളാണ് തരൂർ നേടിയത്. എൽ ഡി എഫ് സ്ഥാനാർത്ഥി പന്ന്യൻ രവീന്ദ്രൻ ചിത്രങ്ങളിൽ പോലും ഇല്ല. 55,148 വോട്ടുകൾ മാത്രമാണ് ലഭിച്ചത്.

രാജീവ് ചന്ദ്രശേഖറിന്‌ സാദ്ധ്യതയുണ്ടെന്ന് പ്രവചിക്കുന്നതായിരുന്നു മിക്ക എക്‌സിറ്റ് പോൾ ഫലങ്ങളും. പ്രധാനമന്ത്രി നരേന്ദ്ര മോദി നേതൃത്വം നൽകുന്ന സർക്കാർ വൻ ഭൂരിപക്ഷത്തിൽ വീണ്ടും അധികാരത്തിലെത്തുമെന്ന് രാജീവ് ചന്ദ്രശേഖർ ഇന്നലെ പ്രതികരിച്ചിരുന്നു. “എല്ലാ എക്‌സിറ്റ് പോളുകളും ഈ വിജയം പ്രവചിച്ചു കഴിഞ്ഞു. ദക്ഷിണേന്ത്യയിലും ഇതുവരെയില്ലാത്ത മുന്നേറ്റം ബി ജെ പിയുണ്ടാക്കുമെന്നാണ് പ്രതീക്ഷിക്കുന്നത്.”- എന്നായിരുന്നു അദ്ദേഹം പറഞ്ഞത്.