ന്യൂയോർക്കിൽ അടിച്ചുപൊളിച്ച് ലേഖ ശ്രീകുമാർ

നിരവധി സൂപ്പർ ഹിറ്റ് ഗാനങ്ങളിലൂടെ മലയാളികൾക്ക് പ്രിയങ്കരനായ ഗായകനാണ് എംജി ശ്രീകുമാർ. മലയാളം കൂടാതെ തമിഴ് ഹിന്ദി ഗാനരംഗത്തും ഹിറ്റ് ഗാനങ്ങൾ താരം ആലപിച്ചിട്ടുള്ള താരം മിനിസ്‌ക്രീനിൽ അവതാരകനായും താരമെത്തുന്നുണ്ട്. സിനിമഗാനരംഗത്തും സ്റ്റേജ് ഷോകളിലെ തിരക്കുകൾക്കിടയിൽ തന്റെ ഭാര്യയോടൊപ്പം ചിലവഴിക്കാൻ സമയം കണ്ടെത്താൻ അദ്ദേഹം മറക്കാറില്ല. എംജി ശ്രീകുമാറിനെ പോലെ തന്നെ ഭാര്യ ലേഖയും സോഷ്യൽ മീഡിയയിൽ സജീവമാണ് ഇരുവരും തങ്ങൾ യാത്ര ചെയ്ത സ്ഥലങ്ങളുടെ ചിത്രങ്ങളും വീഡിയോകളുമൊക്കെ ആരാധകരുമായി പങ്കുവയ്ക്കാറുണ്ട്.

ഇപ്പോഴിതാ വെക്കേഷൻ ആഘോഷത്തിനിടയിലെ ചിത്രങ്ങളുമായെത്തിയിരിക്കുകയാണ് ലേഖ. എംജിക്കൊപ്പം ന്യൂയോർക്കിലേക്ക് പോയിരിക്കുകയാണ് ലേഖ. ഫേസ്ബുക്കിലൂടെയായാണ് ചിത്രങ്ങൾ പങ്കുവെച്ചത്. വീണ്ടും വെക്കേഷൻ ആഘോഷത്തിലാണോയെന്നായിരുന്നു ചോദ്യങ്ങൾ. ഓണപ്പരിപാടിയുമായി ബന്ധപ്പെട്ടാണോ എംജിയും ലേഖയും ന്യൂയോർക്കിലെത്തിയതെന്നായിരുന്നു ചിലർ ചോദിച്ചത്. യാത്രാവിശേഷങ്ങളും പാചകവും മറ്റ് വിശേഷങ്ങളെക്കുറിച്ചുമെല്ലാമുള്ള വീഡിയോകൾ വൈറലായി മാറാറുണ്ട്.

14 വർഷത്തെ ലിവിങ് റ്റുഗദറിന് ശേഷമാണ് എംജി ശ്രീകുമാർ ഭാര്യ ലേഖയും വിവാഹിതരായത്. മൂകാംബികയിൽ വെച്ചായിരുന്നു ഇവരുടെ വിവാഹം.ഞങ്ങൾ ലിവിങ് റ്റുഗദറായിരുന്നുവെങ്കിലും ഇന്നത്തെ കാലത്ത് അതിനെ പിന്തുണയ്ക്കുന്നില്ലെന്നും എംജിപറഞ്ഞപ്പോൾ ഈഗോ ഇല്ലാതെ പരസ്പരം മനസിലാക്കി ജീവിക്കുന്നവരാണ് ഞങ്ങളെന്നും അത് തന്നെയാണ് ഞങ്ങളുടെ ജീവിത വിജയമെന്നും ലേഖയും വ്യക്തമാക്കിയിരുന്നു.