ലണ്ടൻ മൃഗശാലയിൽ സിംഹത്തിന് സ്‌കാനിങ്, അസാധാരണ സംഭവം ലോക വാർത്തയായി.

മനുഷ്യരെ സ്കാനിംഗിന് വിധേയരാക്കുന്നത് ഒരു സാധാരണ കാര്യമാണ്. ഒരു സിംഹ ത്തെ സ്‌കാനിങ്ങിനു വിധേയമാക്കുന്നു എന്ന് കേട്ടാലോ? ലോകത്ത് തന്നെ അത് വാർത്തയായി സോഷ്യൽ മീഡിയയിൽ വൈറലായിരിക്കുകയാണ് സംഭവം. കഴിഞ്ഞ ദിവസം ലണ്ടനില്‍ സ്കാന്‍ ചെയ്തത് ഒരു സിംഹത്തെയാണ്. ലണ്ടനിലെ ഒരു മൃഗശാലയി ല്‍ അസുഖ ബാധിതനായ സിംഹത്തെ സ്കാനിംഗിന് വിധേയനാക്കുകയായിരുന്നു.

ഏഷ്യന്‍ വംശത്തിൽ പെട്ട ഭാനു എന്ന 12 വയസുകാരന്‍ സിംഹത്തെയാണ് ചെവിയി ലെ അണു ബാധയെത്തുടര്‍ന്ന് സ്കാന്‍ ചെയ്തിരിക്കുന്നത്. മൃഗശാലയില്‍ ആദ്യമായി ട്ടാണ് ഇത്തരമൊരു സംഭവമെന്ന് അധികൃതര്‍ പറഞ്ഞു. വംശനാശ ഭീഷണി നേരിടുന്ന മൃഗമായതിനാല്‍ വിദഗ്ധരായ ഒരു കൂട്ടം മൃഗ ഡോക്ടര്‍മാരാണ് ഭാനുവിനെ പരിശോധിച്ചുവരുന്നത്.

സുവോളജിക്കല്‍ സൊസൈറ്റി ഓഫ് ലണ്ടന്‍റെ മേല്‍ നോട്ടത്തില്‍ നടന്ന പരിശോധ നയ്ക്ക് മൃഗ ഡോക്ടറായ ടൈനയാണ് നേതൃത്വം കൊടുത്തത്. ഓസ്ട്രേലിയയില്‍ നിന്നുള്ള വിദഗ്ധ ചികിത്സകനായ ഡേവിഡ് റീസും വീഡിയോ കോണ്‍ഫ്രന്‍സ് വഴി ഈ ഉദ്യമത്തില്‍ പങ്കെടുക്കുകയായിരുന്നു.

ആറു പേരുടെ സഹായത്തോടെയാണ് 400 പൗണ്ടിലധികം ഭാരം ഉള്ള ഭാനുവിനെ സ്കാനിംഗ് യന്ത്രത്തില്‍ കിടത്താന്‍ കഴിഞ്ഞത്. ചെവിയിലെ അണുബാധ ഒഴിച്ചാല്‍ ഭാനുവിന് മറ്റ് കുഴപ്പങ്ങളില്ല എന്നാണ് ഡോക്ടര്‍മാര്‍ പറഞ്ഞിരിക്കുന്നത്. ഏതായാലും മൃഗശാല സന്ദര്‍ശകരുടെ പ്രിയപ്പെട്ട ഭാനുവിപ്പോള്‍ അധികൃതരുടെ നിരന്തര നിരീക്ഷണത്തിൽ കഴിയുകയാണ്.