സംസ്ഥാനത്ത് ലോക് ഡൗൺ 30 വരെ നീട്ടി; മൂന്ന് ജില്ലകളിലെ ട്രിപ്പിൾ ലോക്ക് ഡൗൺ നാളെ അവസാനിക്കും

കൊറോണ വ്യാപനം രൂക്ഷമായി തുടരുന്നതിനാൽ സംസ്ഥാനത്ത് ലോക് ഡൗൺ ഈ മാസം 30 വരെ നീട്ടി. മുഖ്യമന്ത്രി പിണറായി വിജയനാണ് ഇക്കാര്യം അറിയിച്ചത്. അതേസമയം തിരുവനന്തപുരം, എറണാകുളം, തൃശൂർ ജില്ലകളിൽ രോഗവ്യാപനം കുറഞ്ഞതിനാൽ ട്രിപ്പിൾ ലോക്ക് ഡൗൺ നാളെ രാവിലെ വരെ മാത്രമായിരിക്കും. വ്യാപനം രൂക്ഷമായ മലപ്പുറത്ത് ട്രിപ്പിൾ ലോക്ക് ഡൗൺ തുടരുമെന്നും മുഖ്യമന്ത്രി അറിയിച്ചു.

വിദേശത്ത് ജോലിക്കോ പഠനത്തിനോ പോകുന്നവർക്ക് വാക്സിൻ നൽകും. ബ്ലാക്ക് ഫംഗസ് ചികിത്സക്ക് മരുന്ന് ഉറപ്പാക്കും. ബോധവത്കരണം സംഘടിപ്പിക്കും. ബ്ലാക്ക് ഫംഗസ് മുൻപും സംസ്ഥാനത്തുണ്ടായിരുന്നു. കോറോണ ഉണ്ടായതിന് ശേഷം ബ്ലോക്ക് ഫംഗസ് വർധിച്ചിട്ടില്ല. വയറോളജി ഇൻസ്റ്റിട്ട്യൂട്ടിൽ വാക്സിൻ കമ്പിനിയുടെ ശാഖ തുറക്കുന്ന കാര്യം പരിശോധിക്കും. വനവാസി കോളനിയിൽ അവശ്യ സാധനങ്ങൾ ലഭ്യമാക്കുന്നുണ്ടോ എന്ന് കളക്ടർമാർ ഉറപ്പ് വരുത്തണം. പാഠ പുസ്തകങ്ങൾ വാഹനങ്ങളിൽ കൊണ്ടുപോകുന്നത് അവശ്യ സർവീസാക്കും. വിത്ത് ഇറക്കുന്ന കർഷകർക്കും കൃഷി പണിക്കാർക്കും സത്യവാങ്മൂലം എഴുതി യാത്ര ചെയ്യാം. കണ്ടേയ്ൻമെന്റ് സോണിൽ നിർമാണ പ്രവർത്തനങ്ങൾക്ക് വിലക്കില്ല. നിർമാണ സാമിഗ്രികൾ വിൽക്കുന്ന കടകൾക്കും തുറക്കുമെന്നും മുഖ്യമന്ത്രി വ്യക്തമാക്കി.