കോവിഡ്; ഡല്‍ഹിയില്‍ ലോക്ക്ഡൗണ്‍ നീട്ടി

ന്യൂഡല്‍ഹി: കോവിഡ് വ്യാപന സാഹചര്യത്തില്‍ രാജ്യതലസ്ഥാനമായ ഡല്‍ഹിയിലെ ലോക്ഡൗണ്‍ മേയ് 24 വരെ നീട്ടി. മുഖ്യമന്ത്രി അരവിന്ദ് കെജ് രിവാളാണ് ഇക്കാര്യമറിയിച്ചത്.

രണ്ടാം കോവിഡ് വ്യാപനം രൂക്ഷമായതിനെ തുടര്‍ന്ന് ഏപ്രില്‍ 20നാണ് ഡല്‍ഹി സര്‍ക്കാര്‍ സംസ്ഥാനത്ത് ലോക്ഡൗണ്‍ പ്രഖ്യാപിച്ചത്. വിവിധ ഭാഗങ്ങളിലെ മെഡിക്കല്‍ സൗകര്യങ്ങളും ഒാക്സിജന്‍ ലഭ്യതയുള്ള കിടക്കകളുടെ എണ്ണം വര്‍ധിപ്പിക്കുന്നതിന്‍റെ ഭാഗമായി ലോക്ഡൗണ്‍ മേയ് 17 വരെ നീട്ടുകയായിരുന്നു.

ഡല്‍ഹിയില്‍ വെള്ളിയാഴ്ച 8,506 കോവിഡ് കേസുകളാണ് പുതിയതായി റിപ്പോര്‍ട്ട് ചെയ്തത്. ഒരു മാസത്തിനു ശേഷമാണ് പ്രതിദിന കോവിഡ് കേസുകളുടെ എണ്ണം 10,000ന് താഴെ എത്തിയത്. രണ്ടാം തരംഗത്തെ തുടര്‍ന്ന് നടപ്പാക്കിയ ലോക്ഡൗണാണ് കോവിഡ് കേസുകള്‍ കുറയാനുള്ള പ്രധാന കാരണമെന്നാണ് മെഡിക്കല്‍ വിദഗ്ധര്‍ അഭിപ്രായം.