ഇപ്പോള്‍ നടക്കുന്നത് അഡ്ജസ്റ്റ്‌മെന്റ് ഭരണം, ഭരണം പൊന്മുട്ടയിടുന്ന താറാവിനെ പോലെ കാണുന്ന ഇടതും വലതും

ട്വന്റി ട്വന്റി കിഴക്കമ്പലം മോഡല്‍ ഒരു രാഷ്ട്രീയ പാര്‍ട്ടി മോഡല്‍ കൊല്ലത്തും ഉരുത്തിരിഞ്ഞ് എത്തുകയാണ്. ഇതിന്റെ അമരക്കാരനാവാന്‍ എം കെ സലിമിന് ക്ഷണം ലഭിച്ചു കഴിഞ്ഞു. ഇപ്പോള്‍ 65-ാം വയസില്‍ രാഷ്ട്രീയത്തിലേക്ക് ഇറങ്ങുന്നതിനെ കുറിച്ച് മനസ് തുറന്നിരിക്കുകയാണ് അദ്ദേഹം. കഴിഞ്ഞ ആറ് മാസമായി സംസ്ഥാനത്ത് രണ്ട് മുന്നണികളെയും മാറി മാറി പരീക്ഷിച്ച് വരികയാണ്. കേരളത്തിലെ ജനങ്ങള്‍ക്കിടയില്‍ ഇടതും വലതും ചേര്‍ന്ന് ഒരു വിചാരം ഉണ്ടാക്കി എടുത്തു. അവര്‍ അല്ലാതെ മറ്റാരും ഭരിക്കാനില്ലെന്ന്. അതിന്റെ ഫലമാണ് ഇപ്പോള്‍ കാണുന്നത്. ഏവരെയും വഴിയാധാരമാക്കുകയാണ് ഇരു പാര്‍ട്ടികളും ചെയ്യുന്നത്. അഡ്ജസ്റ്റ്‌മെന്റ് ഭരണമാണ് ഇപ്പോള്‍ നടക്കുന്നത്. അഞ്ച് വര്‍ഷം ഇടതെങ്കില്‍ അഞ്ച് വര്‍ഷം വലത്. പൊന്‍മുട്ടയിടുന്ന താറാവിനെ പോലാണ് ഇവര്‍ ഭരണത്തെ കാണുന്നത്.

ട്വന്റിട്വന്റി ഭരിക്കുന്ന പഞ്ചായത്തുകളില്‍ ബിജെപിക്കും കോണ്‍ഗ്രസിനും ഇടത്പക്ഷത്തിനും ഒന്നും ചെയ്യാന്‍ ആവുന്നില്ല. നോക്കി നില്‍ക്കാനേ കഴിയൂ. കേരളത്തിലുടനീളം ഇത്തരം പാര്‍ട്ടി എത്തണം. പ്രവര്‍ത്തനം വേണം. അടുത്ത ഒരു 25 വര്‍ഷം ഇടതും വലതും ഭരിച്ചാല്‍ കേരളത്തില്‍ വൃദ്ധ ദമ്പതികള്‍ മാത്രമേ കാണൂ. അതിനൊരു ഉദാഹരണമാണ് സെക്രട്ടറിയേറ്റിന് മുന്നില്‍ നടക്കുന്നത്. പിഎസ് സി എഴുതി അര്‍ഹതപ്പെട്ടവര്‍ വീട്ടില്‍ ഇരിക്കുമ്പോള്‍ ഒരു യോഗ്യതയുമില്ലാത്തവര്‍ ജോലിയില്‍ കയറിക്കൂടുന്നു. ഇത് എവിടെ ചെന്ന് നിക്കും. ഇങ്ങനെ പോയാല്‍ ഒരു ചെറുപ്പക്കാര്‍ പോലും 25 വര്‍ഷങ്ങള്‍ക്കിപ്പുറം കേരളത്തില്‍ കാണത്തില്ല. കേരളത്തില്‍ ഒരു വ്യവസായം പോലും വരുന്നില്ല. -എംകെ സലിം പറഞ്ഞു.

വീഡിയോ സ്റ്റോറി കാണാം,