കേരളത്തിലെ ഏറ്റവും നല്ല സ്കിൻ ഹണി റോസിന്റേത് -വികാസ്

സിനിമാ നടിമാരിൽ ഏറ്റവും നല്ല സ്‌കിൻ ഉള്ളത് ആർക്കാണെന്ന ചോദ്യത്തിന് നടി ഹണി റോസെന്ന മറുപടി നൽകി മേക്കപ്പ് ആർടിസ്റ്റ് വികാസ്. ‘കേരളത്തിൽ ഏറ്റവും നല്ല സ്‌കിന്നിനെ കുറിച്ച് പറയുകയാണെങ്കിൽ അത് ഹണി റോസിന്റേതാണ്. സ്‌കിൻ ഏറ്റവും ക്ലിയറായി ഗ്ലാസ് സ്‌കിൻ പോലെയിരിക്കുന്നത് ഹണിയുടേതാണ്. അത് കാണുമ്പോൾ എപ്പോഴും തോന്നും എത്ര സിംപിളായി ഹണിയെ മേക്കപ്പ് ചെയ്യാമെന്ന്. പക്ഷേ എനിക്ക് ഇതുവരെ നടിയെ ഒരുക്കാൻ സാധിച്ചിട്ടില്ല.

ഇനി ഈ നടിയെ മേക്കപ്പ് ചെയ്യണമെന്ന് ഒന്നും ആഗ്രഹം തോന്നാറില്ല. കാരണം പല ചാൻസുകളും എനിക്ക് മിസ് ആവുകയായിരുന്നു. നടിമാരടക്കമുള്ളവർ എന്നെ സമീപിക്കുമ്പോൾ സമയക്കുറവ് കാരണം മാറ്റി വെക്കുകയായിരുന്നു. അതുകൊണ്ട് എനിക്കങ്ങനെ വിഷമം തോന്നിയിട്ടില്ല.

ഇനി എന്തോരം പിള്ളേരാണ് വരാനിരിക്കുന്നത്. ഐശ്വര്യ റായിയുടെയും ആലിയ ഭട്ടിന്റെയുമൊക്കെ മക്കൾ വളർന്ന് വരുകയാണ്. അവരൊക്കെ മലയാള സിനിമയിലേക്ക് വരട്ടെ എന്നും അതല്ലെങ്കിൽ എനിക്ക് ബോംബെയിൽ പോയി ചെയ്യാൻ സാധിക്കട്ടെ’, എന്നും തമാശരൂപേണ വികാസ് പറയുന്നു.

ഏത് മേക്കപ്പ് ചെയ്താലും ടെൻഷൻ തോന്നാറുണ്ട്. പിന്നെ സമയം നോക്കുകയാണ് പ്രധാനമായും ഞാൻ ചെയ്യാറുള്ളത്. ഇനി വധുവായി ഒരുങ്ങുന്നവർക്ക് നൽകാനുള്ള ടിപ്പ് എല്ലാവരും നന്നായി ഉറങ്ങുക എന്നതാണ്. വിവാഹത്തിന്റെ ദിവസം എങ്ങനെ എങ്കിലും ഉറങ്ങാതിരിക്കാനാണ് എല്ലാവരും നോക്കുന്നത്. അത് പാടില്ലെന്നും പിന്നെ എല്ലാവരും അവരുടെ സ്‌കിൻ ഏതാണെന്ന് തിരിച്ചറിയുന്നതും അത്യാവശ്യമുള്ളതാണെന്ന്’, വികാസ് കൂട്ടിച്ചേർത്തു.