കോണ്‍ഗ്രസ്റ്റ് വിരോധി ആണോ എന്ന് പലരും മെസേജ് അയക്കുന്നുണ്ട്, മാലാ പാര്‍വതി പറയുന്നു

മലയാളികളുടെ പ്രിയപ്പെട്ട നടിയാണ് മാല പാര്‍വതി. നിരവധി ചിത്രങ്ങളിലൂടെ താരം മലയാളികള്‍ക്ക് മുന്നിലെത്തി. അമ്മ വേഷം തന്റെ കൈയ്യില്‍ ഭദ്രമെന്ന് താരം തെളിയിച്ച് കഴിഞ്ഞു. സോഷ്യല്‍ മീഡിയകളില്‍ സജീവമാണ് മാല പാര്‍വതി. ഇപ്പോള്‍ താരം ഫേസ്ബുക്കില്‍ പങ്കുവെച്ച കുറിപ്പ് ശ്രദ്ധേയമാവുകയാണ്. താന്‍ ഒരു കോണ്‍ഗ്രസ് വിരോധിയാണോ എന്ന് പലരും ചോദിച്ചിട്ടുണ്ടെന്നും ഒരിക്കലും അല്ലെനന്ന് പറയുകയാണ് നടി.

മാല പാര്‍വതിയുടെ കുറിപ്പ്, എനിക്ക് വരുന്ന മെസ്സേജുകളില്‍ പലരും ചോദിക്കുന്ന ഒരു കാര്യം.. ഞാന്‍ ഒരു കോണ്‍ഗ്രസ്റ്റ് വിരോധി ആണോ എന്നാണ്. ഉത്തരം ഒരിക്കലുമല്ല എന്നാണ്. ഇന്ത്യയുടെ രാഷ്ട്രീയ ചരിത്രത്തില്‍ ഒരു കാര്യം മാറ്റാന്‍ അവസരം കിട്ടിയാല്‍, പ്രണബ് മുഖര്‍ജിയെ പ്രസിഡന്റ് ആക്കാതെ, പ്രധാനമന്ത്രി ആക്കുക എന്നതാണ്. പ്രസിഡന്റ് ആക്കിയതിലൂടെ അദ്ദേഹം കോണ്‍ഗ്രസ്റ്റ് രാഷ്ടീയ നേത്യത്വത്തിന്റെ ഭാഗമല്ലാതായി. ശക്തനായ നേതാവ്. എന്നല്ല പല പ്രതിസന്ധികളില്‍ പാര്‍ട്ടിയുടെ പ്രശ്‌നങ്ങള്‍ പരിഹരിക്കാറുണ്ടായിരുന്നത് അദ്ദേഹമായിരുന്നു.പക്ഷേ പിന്നീട് അദ്ദേഹം ബി.ജെ.പിയുമായി സൗഹൃദത്തിലായി.

Y.S. രാജശേഖര റെഡ്ഢി.. അന്ധ്രാപ്രദേശ് മുന്‍ മുഖ്യമന്ത്രി 2009 ലും, മാധവ് രാവു സിന്ധ്യ 2001 ലും ഹെലികോപ്റ്റര്‍ ക്രാഷില്‍ മരിച്ചു.രാജേഷ് പൈലറ്റ് ആകട്ടെ 2000ല്‍ കാര്‍ ആക്‌സിഡന്റില്‍ മരണമടുത്തു. ശക്തരായ നേതാക്കളായിരുന്നു.ഇവരൊക്കെ ഉണ്ടായിരുന്നെങ്കില്‍, കോണ്‍ഗ്രസ്സ് ഈ നിലയില്‍ ആകില്ലായിരുന്നു. ഇതില്‍ ആരോപണമൊന്നുമില്ല. നിരീക്ഷണം മാത്രം. നല്ല നേതാക്കളെ കുറിച്ച് ഓര്‍ക്കാര്‍ ഈ അവസരം വിനിയോഗിക്കുന്നു എന്നേ ഒള്ളു. രാജ്യത്ത് കോണ്‍ഗ്രസ്സ് ശക്തിപ്പെടണം എന്ന് രാജ്യത്തോട് സ്‌നേഹമുള്ള ആരും ആഗ്രഹിക്കും.കോണ്‍ഗ്രസ്സിന്റെ മതേതര സ്വഭാവം നിലനിര്‍ത്തുന്ന, ആദര്‍ശങ്ങളെ വിട്ടു കളയാത്ത കോണ്‍ഗ്രസ്സിനോട് ആദരവ് മാത്രം.