മിശിഹായുടെ മുത്തം കപ്പിന് എന്റെ മുത്തം മെസ്സിക്ക്, അർജന്റീനയുടെ വിജയം ആഘോഷമാക്കി മലയാള താരങ്ങൾ

ആഹ്ലാദതിമിർപ്പിലാണ് അർജന്റീനയും ആരാധകരും. ഫുട്ബോൾ ലോകകപ്പ് ഫൈനലിൽ ഫ്രാൻസിനെ തോൽപ്പിച്ച് കപ്പെടുത്തതോടെ മെസിയെയയും അർജന്റീനയെയും പ്രശംസിച്ച് നിരവധി ആളുകളാണെത്തുന്നത്. മലയാളത്തിന്റെ സൂപ്പർതാരങ്ങളായ മമ്മൂട്ടിയും മോഹൻലാലും ഖത്തറിൽ നേരിട്ടെത്തിയാണ് കായികമാമാങ്കത്തിന് സാക്ഷികളായത്. നടൻ ജോജു ജോർജും സംവിധായകൻ മാർട്ടിൻ പ്രക്കാട്ടും ഫൈനൽ കാണാൻ ഖത്തറിൽ എത്തിയിരുന്നു.

എക്കാലത്തെയും മികച്ച ലോകകപ്പ് ഫൈനൽ, എംബാപ്പെ പ്രകൃതിയുടെ ഒരു ശക്തിയാണ്!!! എന്നാൽ ഈ ഫൈനൽ മെസ്സിക്ക് വേണ്ടിയുള്ളതാണെന്ന് ഞാൻ ഊഹിക്കുന്നു. പൃഥ്വിരാജ് പോസ്റ്റ് ചെയ്തു.

എന്താണ് സംഭവിച്ചത്… എന്തൊരു ഗെയിം. എംബാപെനീ മികച്ചതാണ്, എന്നാൽ ഇത് എപ്പോഴും മെസ്സിക്കുള്ളതായിരുന്നു. ’’ദുൽഖർ കുറിച്ചു.
അഭിനന്ദനങ്ങൾ അർജന്റീന, G.O.A.T മെസ്സിക്ക് അഭിനന്ദനങ്ങൾ. എന്തൊരു പോരാട്ടമായിരുന്നു എംബാപെ. ഫ്രാൻസ് ഫൈനൽ കളിച്ചതിന് അഭിനന്ദനങ്ങൾ, ഒരു സ്വപ്ന മത്സരം’.’’: ഉണ്ണി മുകുന്ദൻ

‘‘വിജയി…..ഫുട്ബോൾ!!……വാമോസ് അർജന്റീന…..കിലിയൻ എംബാപ്പെ എന്ന പേര് ഓർക്കുക… എന്തൊരു കൊലയാളി മനോഭാവമാണ് ആ മനുഷ്യന്!! ഇതുവരെയുള്ള ലോകകപ്പിലെ ഏറ്റവും മികച്ച ഫൈനൽ.’’– കുഞ്ചാക്കോ ബോബൻ.

കിലിയൻ എംബാപ്പെ…. നിങ്ങളും ഒരു ഹീറോആണ്…. തോറ്റുകൊടുക്കാൻ മനസ്സില്ലാത്ത ഹീറോ.’’–നടൻ ആന്റണി വർഗീസ് കുറിച്ചു.

മിശിഹായുടെ മുത്തം കപ്പിന് … എന്റെ മുത്തം….മെസ്സിക്ക്: മീനാക്ഷി പറയുന്നു.

ഖത്തർ ഫുട്‌ബോൾ ലോകകപ്പിൽ കിരീടം നിലനിർത്താനിറങ്ങിയ ഫ്രാൻസിനെ ഷൂട്ടൗട്ടിൽ 4-2 തകർത്തുകൊണ്ടാണ് അർജന്റീന മൂന്നാമത്തെ തവണ കപ്പുയർത്തിയത്. 2014ൽ കൈയ്യിൽ നിന്ന് വഴുതിപ്പോയ ലോക കിരീടം അങ്ങനെ 2022ൽ മെസിയുടെ കൈകളിലേക്ക് തന്നെയെത്തി. എക്സ്ട്രാ ടൈമിൽ മത്സരം 3-3ന് തുല്യത പാലിച്ചതോടെയാണ് പെനാൽറ്റി ഷൂട്ടൗട്ടിലേക്ക് നീണ്ടത്. ലോകകപ്പിലെ മികച്ച താരത്തിനുള്ള ഗോൾഡൻ ബോൾ ലയണൽ മെസി നേടിയപ്പോൾ ഏറ്റവും കൂടുതൽ ഗോൾ നേടിയ താരത്തിനുള്ള ഗോൾഡൻ ബൂട്ട് കിലിയൻ എംബാപ്പെക്ക് ലഭിച്ചു. ഏറ്റവുമധികം ലോകകപ്പ് മത്സരങ്ങൾ കളിച്ചതിന്റെ എക്കാലത്തെയും റെക്കോർഡും മെസി സ്വന്തമാക്കി.