നഴ്‌സസ് ദിനത്തില്‍ നോവായി ഡല്‍ഹിയില്‍ മലയാളി നഴ്‌സിന്റെ അന്ത്യം, സഹോദരസ്ഥാനത്ത് നിന്നും അന്ത്യകര്‍മ്മങ്ങള്‍ ചെയ്തത് സഹപ്രവര്‍ത്തകര്‍

ന്യൂഡല്‍ഹി: ഇന്നലെയായിരുന്നു ഭൂമിയിലെ മാലാഖമാരുടെ ദിനം, നഴ്‌സസ് ഡേ. കൊറോണയ്ക്ക് എതിരെ പോരാടുകകൂടി ചെയ്യുന്ന നഴ്‌സുമാര്‍ എല്ലാവരും ആശംസ ഏറ്റു വാങ്ങുന്നതിനിടെ ഡല്‍ഹിയില്‍ മലയാളി നഴ്‌സ് മരിച്ചത് ഏവര്‍ക്കും നോവായി. മലയാളി നഴ്‌സിന് സഹോദര സ്ഥാനത്ത് നിന്ന് അന്ത്യകര്‍മ്മങ്ങള്‍ ചെയ്ത് യാത്രയാക്കിയത് സഹപ്രവര്‍ത്തകരാണ്. ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസില്‍ (എയിംസ്) നഴ്‌സായ തൊടുപുഴ സ്വദേശിയാണ് നഴ്‌സസ് ദിനത്തില്‍ പുലര്‍ച്ചെ മരിച്ചത്. അന്ത്യ കര്‍മ്മങ്ങള്‍ ചെയ്തത് സഹപ്രവര്‍ത്തകരാണ്.

എയിംസിലെ നഴ്‌സ് ആയരുന്ന പുറപ്പുഴ തട്ടാംപറമ്പില്‍ ടി പി സ്വപ്‌ന എന്ന 46 കാരിയാണ് മരിച്ചത്. എയിംസ് ഡയാലിസിസ് വിഭാഗത്തിലെ നഴ്‌സും പത്തനംതിട്ട സ്വദേശിയുമായ വിപിന്‍ വിജയനാണ് സ്വപ്‌നയുടെ അന്ത്യ കര്‍മ്മങ്ങള്‍ ചെയ്തത്. 11 വര്‍ഷത്തില്‍ അധികമായി വൃക്ക രോഗിയായ സ്വപ്‌ന ഒന്നിടവിട്ട ദിവസങ്ങളില്‍ ഡയാലിസിസിന് വിധേയ ആയിട്ടാണ് ജോലിക്കായി എത്തിയിരുന്നത്.

അമ്മ രമണിക്ക് ഒപ്പം താമസിച്ച് വരികയായിരുന്നു സ്വപ്‌ന. ഡിസംബറില്‍ തലച്ചോറിലേക്കുള്ള രക്തക്കുഴല്‍ പൊട്ടിയ സ്വപ്‌നയുടെ ഉടതു വശം തളര്‍ന്നു. ഡിസംബറില്‍ സ്വപ്‌നയുടെ തലച്ചോറിലേക്കുള്ള രക്തക്കുഴല്‍ പൊട്ടിയ സ്വപ്‌നയുടെ ഇടത് വശം തളര്‍ന്നു പോയിരുന്നു. ന്യൂറോ ഐ സി യുവില്‍ നിന്ന് വാര്‍ഡിലേക്ക് മാറ്റിയെങ്കിലും നില മോശമായി തുടരുന്നതിന് ഇടെയാണ് മരണം ഉണ്ടായത്. തുടര്‍ന്ന് സഹോദര സ്ഥാനത്ത് നിന്ന് അന്ത്യകര്‍മ്മങ്ങള്‍ ചെയ്ത് സഹയാത്രികര്‍ യാത്രയാക്കുകയായിരുന്നു.