മക്കൾക്ക് ശല്യമാകാതിരിക്കാനാണ് ഞാൻ ഒറ്റയ്ക്ക് താമസിക്കുന്നത് – മല്ലിക സുകുമാരൻ

മലയാളികളുടെ പ്രീയപ്പെട്ട താരകുടുംബമാണ് പ്രഥിരാജിന്റെയും ഇന്ദ്രജിത്തിന്റെയും. സുകുമാരൻ മല്ലിക സുകുമാരൻ എന്നിവരുടെ മക്കളായ ഇവർക്ക് വെച്ചടി മുന്നേറ്റമാണ് സിനിമയിൽ. ജ​ഗതിയുമായി പിരിഞ്ഞശേഷമാണ് മല്ലിക സുകുമാരനെ വിവാഹം കഴിക്കുന്നത്. ഈ ലോക്ക് ഡൗൺ കാലത്ത് മല്ലിക സുകുമാരൻ ഒറ്റക്ക് തിരുവനന്തപുരത്താണ്. ഇന്ദ്രജിത്തും കുടുംബവും കൊച്ചിയിലും പ്രഥിരാജ് ജോർദ്ദാനിലുമാണ്. സുപ്രിയയും മകളും കൊച്ചിയിലാണ്.

ആടു ജീവിതത്തിന്റെ ഷൂട്ടിങ്ങനായി ഫെബ്രുവരി 29 നാണ് പൃഥ്വി ജോർദാനിലേയ്ക്ക് പോയത്. എന്നാൽ ഷൂട്ടിങ്ങ് പൂർത്തിയാക്കുന്നതിന് മുൻപ് തന്നെ രാജ്യത്ത് ലോക്ക് ഡൗൺ പ്രഖ്യാപിക്കുകയായിരുന്നു. കൊറോണ വൈറസ് വ്യാപനത്തിനെ തുടർന്നായിരുന്നു രാജ്യങ്ങൾ ലോക്ക് ഡൗണിലേയ്ക്ക് നീങ്ങിയത്. വിമാന സർവീസുകൾ ഉൾപ്പെടെ റദ്ദാക്കിയതിനെ തുടർന്ന് ജോർദാനിലെത്തിയ പൃഥ്വിയും സംഘവും അവിടെ കുടുങ്ങി പോകുകയായിരുന്നു

ലോക്ക് ഡൗൺ ജീവിതത്തെക്കുറിച്ച് മനസ്സുതുറക്കുകയാണ് മല്ലിക സുകുമാരൻ. ഇന്ദ്രജിത്തും കുടുംബവും കൊച്ചിയിലാണ് ഉള്ളത്. പൃഥിരാജിന്റെയും ഇന്ദ്രജിത്തിന്റെയും ഫ്‌ളാറ്റുകള്‍ സമീപത്തായതിനാല്‍ ഇവര്‍ക്ക് ഒറ്റപ്പെടലില്ല. എന്നാല്‍ ലോക്ഡൗണില്‍ തിരുവനന്തപുരത്തെ വീട്ടിലാണ് ഞാൻ ഉള്ളത്. മക്കളാരും ഒപ്പമില്ല. എന്നാല്‍ വീട്ടില്‍ സഹായികളുണ്ട്. പക്ഷേ അതില്‍ വിഷമമില്ല. തന്റെ രണ്ടു മരുമക്കളോടും ചോദിച്ചാല്‍ അറിയാം യാതൊരു ശല്യവും ഇല്ലാത്ത ഒരു അമ്മായിഅമ്മയാണ് താന്‍ എന്നാണ് മല്ലിക പറയുന്നത്.

മക്കളെപ്പോഴും കൂടെ താമസിക്കാന്‍ വിളിക്കാറുണ്ടെന്നും താന്‍ പോകാറില്ലെന്നും താരം പറയുന്നു. അതിന് കാരണവും മല്ലിക തന്നെ പറയുന്നുണ്ട്. സുകുവേട്ടന്‍ തനിക്ക് വേണ്ടതെല്ലാം ചെയ്ത് തന്നിട്ട് തന്നെ വിട്ടുപോയി, അദ്ദേഹത്തിന്റെ ഓര്‍മ്മയില്‍ ഈ വീട്ടില്‍ കഴിയാനാണ് എന്നും താന്‍ ആഗ്രഹിക്കുന്നത് എന്നാണ് താരം പറയുന്നത്. എന്തെങ്കിലും ഒരു ആവശ്യം വന്നാല്‍ നിമിഷനേരം കൊണ്ട് പൃഥ്വിരാജും ഇന്ദ്രജിത്തും അതുപോലെ തന്നെ മരുമക്കളായ പൂര്‍ണ്ണിമയും സുപ്രിയയും ഇവിടെയെത്തുമെന്നും താരം പറയുന്നു.