നന്ദിഗ്രാമില്‍ നാലഞ്ചു പേര്‍ ചേര്‍ന്ന് ആക്രമിച്ചെന്ന് മമത ബാനര്‍ജി; കാലിന് പരുക്ക്

കൊല്‍ക്കത്ത: നന്ദിഗ്രാമില്‍ തെരഞ്ഞെടുപ്പ്​ പ്രചാരണം നടത്തുന്നതി​നിടെ മുഖ്യമ​ന്ത്രി മമത ബാനര്‍ജിക്ക്​ പരിക്ക്​. പ്രചാരണത്തിനിടെ മമതയെ പിടിച്ച്‌​ തള്ളുകയായിരുന്നുവെന്നാണ്​ റിപ്പോര്‍ട്ട്​. ഇതില്‍ ഗൂഢാലോചനയുണ്ടെന്ന്​ തൃണമൂല്‍ ആരോപിച്ചു.

അവരുടെ കാലിനും മുഖത്തുമാണ്​ പരിക്കേറ്റത്​. ചികില്‍സക്കായി മമതയെ കൊല്‍ക്കത്തയിലേക്ക്​ മാറ്റി. പ്രചാരണം തല്‍ക്കാലത്തേക്ക്​ മാറ്റിവെച്ച്‌​​ വീട്ടിലെത്തി ഡോക്​ടറെ കാണുമെന്നും മമത ബാനര്‍ജി പറഞ്ഞു. തെരഞ്ഞെടുപ്പ്​ കമീഷന്​ ഇതുസംബന്ധിച്ച പരാതി നല്‍കുമെന്നും അവര്‍ പറഞ്ഞു.

അതേസമയം ജനങ്ങള്‍ക്കിടയില്‍ സഹതാപം ഉണ്ടാക്കാനുള്ള ശ്രമമാണ്​ മമത നടത്തുന്നതെന്ന്​ ബി.ജെ.പി ആരോപിച്ചു. അവര്‍ നാടകമാണ്​ നടത്തുന്ന​ത്​. 300ഓളം പൊലീസുകാരാണ്​ മുഖ്യമന്ത്രിക്ക്​ സുരക്ഷ ഒരുക്കുന്നത്​. അവര്‍ ആക്രമിക്കപ്പെട്ടുവെങ്കില്‍ ഇതുമായി ബന്ധപ്പെട്ട്​ ​പൊലീസ്​ ആരെയും അറസ്റ്റ്​ ചെയ്യാത്തത്​ എന്തുകൊണ്ടാണെന്ന്​ ബി.ജെ.പി നേതാവ്​ അര്‍ജുന്‍ സിങ്​ ചോദിച്ചു.