മമ്മൂട്ടി വന്നു, ആരാധകർ റോഡ് ബ്ലോക്കായാക്കി – വീഡിയോ Mammootty

ഹരിപ്പാട് ഒരു കടയുടെ ഉദ്ഘാടനത്തിന് എത്തിയ മമ്മൂട്ടിയെ ഒരു നോക്ക് കാണാൻ എത്തിയത് ജനസാഗരം. റോഡ് ബ്ലോക്കാക്കി ആരാധകർ മമ്മൂട്ടിക്കായി കാത്തിരുന്നു. ഒടുവിൽ ബ്ലോക്ക് മാറ്റാൻ മമ്മൂട്ടി തന്നെ ഇടപെടേണ്ട സ്ഥിതിയായി.

ഹരിപ്പാട് പുതിയതായി ആരംഭിക്കുന്ന സ്ഥാപനം ഉദ്ഘാടനം ചെയ്യാനെത്തിയതാണ് മമ്മൂട്ടി. ബ്ലാക്ക് ടി ഷർട്ടും അതിനു മുകളിൽ വൈറ്റ് ഷർട്ടും അണിഞ്ഞ് കൂളിങ്​ഗ്ലാസും വെച്ച് ഓപ്പൺ സ്റ്റേജിലേക്ക് കയറിയ മമ്മൂട്ടിയെ ആർപ്പുവിളികളോടെയാണ് റോഡിൽ നിന്ന ജനം സ്വാ​ഗതം ചെയ്തത്.

‘നിങ്ങളെ കാണുന്നതും എനിക്കും എന്നെ കാണുന്നതും നിങ്ങൾക്കും സന്തോഷമാണ്’ മമ്മൂട്ടി പറഞ്ഞു. രമേശ് ചെന്നിത്തലയും ആരിഫും സംസാരിച്ചതിനു ശേഷമാണ് മമ്മൂട്ടി ട്രാഫിക് ബ്ലോക്ക് കാരണം ജനങ്ങൾക്കുണ്ടായ ബുദ്ധിമുട്ടിനെക്കുറിച്ച് പറയുന്നത്. ആലപ്പുഴ എംപി എഎം ആരിഫ്, ഹരിപ്പാട് എംഎല്‍എ രമേശ് ചെന്നിത്തല എന്നിവരും ചടങ്ങിനെ ത്തിയിരുന്നു.

റോഡിൻറെ ഇരുവശങ്ങളും പരിസരവും തിങ്ങി നിറഞ്ഞാണ് ജനം നിന്നിരുന്നത്. കെഎസ്ആർടിസി ബസ് ഉൾപ്പടെയുള്ള വാഹനങ്ങൾ ബ്ലോക്കിൽപ്പെട്ട് റോഡിൽ കിടന്നു. ‘നമ്മള്‍ ഇത്രയും നേരം ഈ റോഡ് ബ്ലോക്ക് ആക്കി നിര്‍ത്തിയിരിക്കുകയാണ്. എത്രയും വേഗം ഈ പരിപാടി തീര്‍ത്തുപോയാലെ അത്യാവശ്യക്കാര്‍ക്ക് പോകാന്‍ കഴിയൂ. നമ്മള്‍ സന്തോഷിക്കുവാണ്. പക്ഷേ അവര്‍ക്ക് ഒരുപാട് അത്യാവശ്യം കാണും. ഞാന്‍ ഈ പരിപാടി നടത്തി വേഗം പോകും. നമുക്ക് വീണ്ടും കാണാം’എന്ന് മമ്മൂട്ടിക്ക് പറയേണ്ടി വന്നു.സോഷ്യൽ മീഡിയയിൽ ഇപ്പോൾ വൈറലാവുകയാണ് ഇതിന്റെ വിഡിയോ.