സിംഗപ്പൂരില്‍ നിന്നുള്ള മമ്മൂട്ടിയുടെ ചിത്രങ്ങള്‍ വൈറല്‍, ഞെട്ടിച്ചെന്ന് സോഷ്യല്‍ മീഡിയ

മലയാളത്തിന്റെ അഭിമാനമെന്ന് വിശേഷണമുള്ള താരമാണ് മലയാളികളുടെ മെഗാതാരമായ മമ്മൂട്ടി. അന്‍പത് വര്‍ഷത്തോളമായി തിരശീലയില്‍ നമ്മളെ വിസ്മയിപ്പിച്ചിട്ടും ഇപ്പോഴും നാല്‍പ്പതുകളിലാണെന്ന് മാത്രമെ മമ്മൂട്ടിയുടെ ചിത്രങ്ങള്‍ കണ്ടാല്‍ തോന്നിക്കുകയുള്ളു.
അതിനാല്‍ തന്നെ മമ്മൂട്ടിയുടെ പുതിയ ചിത്രങ്ങള്‍ സമൂഹമാധ്യമങ്ങളില്‍ വൈറലാവുക പതിവാണ്. അത്തരത്തില്‍ താരത്തിന്റെ പുതിയ ചിത്രം ആഘോഷമാക്കിയിരിക്കുകയാണ് സോഷ്യല്‍ മീഡിയ.

സിം​ഗപ്പൂരിൽ നിന്നുമുള്ളതാണ് ഫോട്ടോ. തൊപ്പിയും പാന്റും ഷർട്ടും, കൂളിം​ഗ് ​ഗ്ലാസും ഒക്കെയായി ചുള്ളൻ ലുക്കിലാണ് താരം പുതിയ ഫോട്ടോയിൽ. സിംഗപ്പൂരിലെ ചരിത്ര പ്രസിദ്ധമായ മെർലിയൺ ലയൺ ഫിഷ് പ്രതിമയുടെ അടുത്ത് നിന്നുള്ള ഫോട്ടോയാണിത്. ഫോട്ടോ വന്നതിനു പിന്നാലെ നിരവധി പേരാണ് ഇതിനു കമന്റുമായി രം​എത്തിയത്.

അതേസമയം, ടര്‍ബോ ആണ് വരാനിരിക്കുന്ന മമ്മൂട്ടി ചിത്രം. മമ്മൂട്ടിയുടേതായി ഇറങ്ങിയ ഭ്രമയുഗം മികച്ച അഭിപ്രായമാണ് നേടിയത്. പൂര്‍ണമായും ബ്ലാക് ആന്‍ഡ് വൈറ്റില്‍ ആയിരുന്നു റിലീസ് ചെയ്തത്. 60കോടി അടുപ്പിച്ച് ചിത്രം കളക്ഷന്‍ നേടി.