മദ്യപിച്ചെത്തി അമ്മയെ അസഭ്യം പറഞ്ഞു, ജ്യേഷ്ഠന്‍ അനുജനെ കുത്തി പരുക്കേല്‍പ്പിച്ചു, സംഭവം കൊല്ലത്ത്

കൊല്ലം: മദ്യപിച്ച് വീട്ടില്‍ എത്തി അമ്മയെ നിരന്തരം അസഭ്യം പറഞ്ഞത് ചോദ്യം ചെയ്തത് ജ്യേഷ്ടാനുജന്മാര്‍ തമ്മിലുള്ള അടിപിടിയില്‍ കലാശിച്ചു. ഒടുവില്‍ ചേട്ടന്‍ അനുജനെ കുത്തി. സംഭവത്തില്‍ കൊലപാതക ശ്രമത്തിന് ജ്യേഷ്ഠനെ പോലീസ് അറസ്റ്റ് ചെയ്തു. ഇളമ്മാട് സ്വദേശിയായ മുപ്പത്തിനാലുകാരന്‍ വിപിന്‍ കുമാറാണ് അറസ്റ്റിലായത്.

വിപിന്റെ അനുജന്‍ വിഷ്ണു മദ്യപിച്ചെത്തി ഇവരുടെ മാതാവിനെ നിരന്തരം അസഭ്യം പറഞ്ഞിരുന്നു. ഇത് വിപിന്‍ ചോദ്യം ചെയ്തതോടെ അടിപിടയായി. കഴിഞ്ഞ ദിവസം അഞ്ച് മണിയോടെ മദ്യപിച്ചെത്തിയ വിഷ്ണു അമ്മയെ അസഭ്യം പറഞ്ഞു. ഇതോടെ വിപിന്‍ അമ്മയെ അസഭ്യം പറയരുതെന്ന് വിഷ്ണുവിനോട് ആവശ്യപ്പെട്ടു.

എന്നാല്‍ ഇത് വകവയ്ക്കാതെ വിഷ്ണു അമ്മയെ കൂടുതല്‍ അസഭ്യം പറഞ്ഞു. തുടര്‍ന്ന് വിപിന്‍ ഭിത്തിയലമാരയുടെ ചില്ല് വലിച്ചൂരിയെടുത്ത് വിഷ്ണുവിനെ കുത്തുകയായിരുന്നു. തലയ്ക്കും കൈയ്യിലും വയറിന് പിന്‍വശത്തുമായി മൂന്ന് കുത്തുകളാണ് വിഷ്ണുവിനേറ്റത്. അഴത്തിലുള്ള മുറിവുകളെ തുടര്‍ന്ന് യുവാവിനെ തിരുവനന്തപുരം മെഡിക്കല്‍ കോളജില്‍ പ്രവേശിപ്പിച്ചു. വധശ്രമത്തിന് കേസെടുത്ത് പോലീസ് വിപിനെ അറസ്റ്റ് ചെയ്ത് കോടതിയില്‍ ഹാജരാക്കി റിമാന്‍ഡ് ചെയ്തു.