മനുഷ്യന് വ്യത്യസ്തങ്ങളായ ആരാധനാ രീതികൾ ഉണ്ടെങ്കിലും എല്ലാവരുടെയും ലക്ഷ്യം ഒന്നാണ് – മോഹൻ ഭാഗവത്.

ന്യൂ ഡൽഹി . ആത്മീയ സത്യം സാക്ഷാത്കരിക്കുന്നതിനായി മനുഷ്യന് വ്യത്യസ്തങ്ങളായ ആരാധനാ രീതികൾ ഉണ്ടെങ്കിലും എല്ലാവരുടെയും ലക്ഷ്യം ഒന്ന് തന്നെയാണെന്ന് ആർഎസ്എസ് മേധാവി മോഹൻ ഭാഗവത്. ഹിന്ദുമതത്തിന്റെ അടിസ്ഥാന ഗ്രന്ഥങ്ങളായി കണക്കാക്കപ്പെടുന്ന നാല് വേദങ്ങളിൽ ഒന്നായ സംവേദത്തിന്റെ ഉറുദു വിവർത്തനത്തിന്റെ പ്രകാശന ചടങ്ങിൽ സംസാരിക്കുകയായിരുന്നു ഭാഗവത്. വ്യത്യസ്ത ആളുകൾക്ക് വ്യത്യസ്ത ആരാധനാ രീതികളുണ്ടാകുമെന്നും എന്നാൽ എല്ലാവരുടെയും ലക്ഷ്യം ഒന്നാണ് എന്നാണ് ഭാഗവത് പറഞ്ഞത്.

ഒരേ സത്യം വ്യത്യസ്ത ആളുകൾക്ക് വ്യത്യസ്ത തരമായി മനസ്സിലാക്കാൻ കഴിയുമെന്ന് പുരാതന ഗ്രന്ഥങ്ങളിൽ നിന്നുള്ള ഉദാഹരങ്ങൾ ചൂണ്ടിക്കാട്ടി ഭഗവത് പറഞ്ഞു. എല്ലാവരെയും നയിക്കുന്നയാൾ വ്യത്യസ്ത പേരുകളിൽ അറിയപ്പെടുന്നതായി മതസൗഹാർദത്തിന്റെ ആവശ്യകത അടിവരയിട്ട് ഭാഗവത് പറഞ്ഞു.

‘പല വഴികളിലൂടെ ഒരു ഒരു പർവതത്തിന്റെ മുകളിൽ എത്താൻ കഴിയും. വ്യത്യസ്ത വ്യക്തികൾ വ്യത്യസ്ത വഴികൾ സ്വീകരിക്കും. എന്നാൽ മറ്റുള്ളവർ തെറ്റായ വഴി സ്വീകരിച്ചുവെന്ന് നാം ചിന്തിക്കാൻ പാടില്ല. എല്ലാവരും ഒരേ ലക്ഷ്യത്തിലേക്കാണ് കയറുന്നത് അത് മുകളിലുള്ള ഒരാൾക്ക് കാണാൻ കഴിയുന്നുണ്ട്’, ഭാഗവത് പറഞ്ഞു.