മണിപ്പൂർ കലാപം സത്യം പുറത്തുവിടും, പ്രതിപക്ഷത്തിനു മുന്നറിയിപ്പുമായി അമിത്ഷാ

മണിപ്പൂർ കലാപത്തിൽ പ്രതിപക്ഷത്തിനു കേന്ദ്ര സർക്കാരിന്റെ മറുപടി വന്നിരിക്കുന്നു.മണിപ്പൂരിലെ സ്ഥിതിഗതികൾ സംബന്ധിച്ച് ലോക്‌സഭയിൽ ചർച്ച നടത്താൻ സർക്കാർ തയ്യാറാണെന്ന് കേന്ദ്ര ആഭ്യന്തര മന്ത്രി അമിത് ഷാ.

സഭയിലെ ബഹളത്തിനിടയിൽ എന്തുകൊണ്ടാണ് പ്രതിപക്ഷം ചർച്ചയ്ക്ക് തയ്യാറാകാത്തതെന്നും അമിത്ഷാ ചോദിച്ചു.പാർലമെന്റ് നടപടികൾ
മണിപ്പൂരിൽ ഒരു ചർച്ച നടക്കാൻ പ്രതിപക്ഷ നേതാക്കളോട് ഞാൻ അഭ്യർത്ഥിക്കുന്നു. മണിപ്പൂർ വിഷയത്തിൽ രാജ്യത്തിന് മുന്നിൽ സത്യം പുറത്തുവരേണ്ടത് പ്രധാനമാണ്, മണിപ്പൂരിലെ സത്യങ്ങൾ ഒന്നൊന്നായി പുറത്ത് വരണം. സത്യം പുറത്ത് വിടാൻ സഹകരിക്കണം എന്ന് പറയുമ്പോൾ പ്രതിപക്ഷം ഗ്വാ ഗ്വാ വിളിച്ചും ബഹളം വയ്ച്ചും തടയുന്നു.മെയ്തികളും കുക്കികളും തമ്മിലുള്ള വംശീയ സംഘർഷങ്ങൾക്കിടയിൽ വടക്കുകിഴക്കൻ സംസ്ഥാനത്ത് വ്യാപകമായ അക്രമങ്ങളുടെ പശ്ചാത്തലത്തിലാണ് ആഭ്യന്തര മന്ത്രിയുടെ പരാമർശം.

മണിപ്പൂർ വിഷയത്തിൽ നേരത്തെ മൂന്ന് തവണ നിർത്തിവെച്ചതിന് ശേഷം ഉച്ചയ്ക്ക് 2.30 ന് സഭ വീണ്ടും സമ്മേളിച്ചയുടനെ, മണിപ്പൂർ വിഷയത്തിൽ ചർച്ച നടത്താൻ ഭരണ-പ്രതിപക്ഷ പാർട്ടികളിലെ നേതാക്കൾ ആഗ്രഹിക്കുന്നുവെന്ന് ഷാ പറഞ്ഞു.
എന്നാൽ പ്രധാനമന്ത്രിയുടെ പ്രസ്താവന ആവശ്യപ്പെട്ട് പ്രതിപക്ഷ അംഗങ്ങൾ പ്രതിഷേധം തുടർന്നതോടെ സ്പീക്കർ ഓം ബിർള സഭാനടപടികൾ ഇന്നത്തേക്ക് മാറ്റിവച്ചു.