ഹരിയാനയിൽ നിന്ന് പോത്തുകളെ ഇറക്കി മഞ്ജു പിള്ള, പുതിയ സംരഭത്തിന് ആശംസകളുമായി ആരാധകർ

മിനി സ്ക്രീനിലെയും ബി​ഗ്സ്ക്രീനിലും നിറഞ്ഞു നിൽക്കുന്ന താരമാണ് മഞ്ജു പിള്ള.മഴവിൽ മനോരമയിൽ സംപ്രേക്ഷണം ചെയ്യുന്ന തട്ടീം മുട്ടീം സീരിയലിലെ മഞ്ജുവിൻറെ മോഹനവല്ലി എന്ന കഥാപാത്രമാണ് അടുത്തിടെ ഏറെ ശ്രദ്ധേയമായിട്ടുള്ളത്.

സോഷ്യൽ മീഡിയയിൽ അധികം സജീവമല്ലെങ്കിലും തന്റെ വിശേഷങ്ങളൊക്കെ ആരാധകരുമായി പങ്കുവെക്കാറുണ്ട്.എന്നാൽ ഇപ്പോൾ തൻറെ വീട്ടിലെ കുറച്ച് പുതിയ അതിഥികളെ കുറിച്ചുള്ള വിശേഷങ്ങൾ പങ്കുവെച്ച് എത്തിയിരിക്കുകയാണ് മഞ്ജു പിള്ള.

ഫാമിലേക്ക് പോത്തുകളുമായി രണ്ടാമത്തെ ലോഡെത്തി എന്നാണ് മഞ്ജു ഇൻസ്റ്റഗ്രാമിൽ ചിത്രങ്ങൾ സഹിതം പങ്കുവച്ചിരിക്കുന്നത്.ഇനിമുതൽ വെറും മഞ്ജുവല്ല ബെല്ലാരി മഞ്ജു എന്നറിയപ്പെടും എന്നാണ് ആരാധകർ കമൻറ് ചെയ്യുന്നത്.ഹരിയാനയിൽ നിന്നാണ് പോത്തുകളെ മഞ്ജു ഫാമിലേക്ക് വാങ്ങിയത്.ഭർത്താവ് ഛായാഗ്രാഹകനും സംവിധായകനുമായ സുജിത് വാസുദേവും ഫാമിലെ ആടുകളെ പരിപാലിക്കുന്ന ചിത്രങ്ങൾ മഞ്ജു മുമ്പ് പങ്കുവെച്ചിരുന്നു.