ഉള്ള കാര്യം ഉള്ളത് പോലെ ഒരു ദാക്ഷിണ്യവുമില്ലാതെ മുഖത്ത് നോക്കി പറയുന്നവരാണ് അവർ- മഞ്ജു വാര്യർ

മലയാള സിനിമയുടെ സ്വകാര്യ അഹങ്കാരമാണ് മഞ്ജുവാര്യർ. കുട്ടിക്കാലം ന്യത്തവേദികളിൽ തിളങ്ങി കലാതിലക പട്ടം അണിഞ്ഞ താര സുന്ദരി. ഒരു കാലത്ത് സിനിമയിൽ തിളങ്ങി നിന്ന നായിക തന്റെ വിവാഹജീവിതത്തോട് കൂടി സിനിമയിൽ നിന്നും പടിയിറങ്ങി.പിന്നീടങ്ങോട് സംഘർഷം നിറഞ്ഞ സ്വാകാര്യ ജിവിതം. ജിവീതത്തിലെ അസ്വാരസ്യമൂലം വിവാഹം മോചനം നേടി. പിന്നീടങ്ങോട്ട് ഒരു തിരിച്ചുവരവിന്റെ പാതയിലായിരുന്നു താരം.

ഇപ്പോളിതാ താരത്തിന്റെ അഭിമുഖമാണ് വൈറലാവുന്നത്, വീട്ടിലാരും എന്റെ ഫാനല്ല. സത്യസന്ധമായി വിമർശിക്കുന്നവരാണ് അമ്മയും ചേട്ടനും. ഉള്ള കാര്യം ഉള്ളത് പോലെ ഒരു ദാക്ഷിണ്യവുമില്ലാതെ മുഖത്ത് നോക്കി പറയുന്നവരാണ്. അമ്മയും ചേട്ടനും ചേട്ടന്റെ ഭാര്യയുമെല്ലാം കാര്യങ്ങൾ പറഞ്ഞ് തരാറുണ്ട്. നമ്മുടെ ശ്രദ്ധയിൽപ്പെടാതെ പോയ കാര്യങ്ങളെക്കുറിച്ചൊക്കെ അവർ പറയാറുണ്ട്. സുഹൃത്തുക്കളും പറഞ്ഞ് തരാറുണ്ട്. അങ്ങനെയാണ് എനിക്ക് സ്വയം ഇപ്രൂവ് ചെയ്യാൻ അവസരം കിട്ടുന്നത്.

നൃത്തത്തെ കൂടുതൽ സ്‌നേഹിക്കുന്നത് അമ്മയാണ്. അമ്മയ്ക്ക് നൃത്തത്തോടുള്ള പാഷൻ കൊണ്ടാണ് ഞാൻ നൃത്തം പഠിക്കാൻ തുടങ്ങിയത്. അമ്മയ്ക്ക് അമ്മയുടെ കുട്ടിക്കാലത്ത് പഠിക്കാൻ ആഗ്രഹമുണ്ടായിരുന്നു, അത് സാധിച്ചിരുന്നില്ല. 4 വയസായപ്പോഴേക്കും അമ്മ എന്നെ ഡാൻസിന് ചേർത്തിരുന്നു. എല്ലായ്‌പ്പോഴും അമ്മ കൂടെ വരും. സ്‌കൂളന്വേഷിക്കുന്നതിന് മുൻപെ അവിടത്തെ ഡാൻസ് ടീച്ചറേതാണെന്നായിരുന്നു അച്ഛൻ നോക്കിയിരുന്നത്. യുവജനോത്സവത്തിൽ കണ്ണൂർ ജില്ലയെ പ്രതിനിധീകരിച്ചാണ് മത്സരിച്ചത്, കലാജീവിതത്തിൽ ഏറെ നിർണ്ണായകമായിരുന്നു അത്.

സിനിമാജീവിതത്തെക്കുറിച്ച് ആലോചിക്കുമ്പോൾ സന്തോഷമാണ്. എനിക്ക് കിട്ടിയ സ്‌നേഹസൗഭാഗ്യങ്ങളെ നന്ദിയോടെ സ്മരിക്കുന്നു. ഒരുമറയുമില്ലാതെ പ്രേക്ഷകർ എന്നെ മനസ് നിറഞ്ഞ് സ്‌നേഹിച്ചിട്ടുണ്ട്. അത് എല്ലാവർക്കും കിട്ടുന്ന ഭാഗ്യമല്ല. നല്ല സിനിമകളിലൂടെയേ എനിക്കത് തിരിച്ച് കൊടുക്കാനാവൂ. തുടക്കത്തിലൊക്കെ കഥ കേൾക്കുമ്പോൾ അച്ഛനും അമ്മയുമൊക്കെ കൂടെയിരിക്കാറുണ്ടായിരുന്നു. ഇപ്പോ എനിക്കൊരു ടീമുണ്ട്, തീരുമാനം ഞാനാണ് എടുക്കുന്നത്.