പറയാൻ വാക്കുകളില്ല, 46 വർഷങ്ങൾക്കു ശേഷം അമ്മ വീണ്ടും എഴുതുന്നു; മഞ്ജു വാര്യർ

മലയാളത്തിന്റെ ലേഡി സൂപ്പർസ്റ്റാർ മഞ്ജു വാര്യർക്ക് ആരാധകർ നിരവധിയാണ്. വിവാഹ ശേഷം അഭിനയത്തിൽ നിന്ന് ഇടവേളയെടുത്തെങ്കിലും പന്ത്രണ്ട് വർഷം കഴിഞ്ഞ് തിരിച്ചെത്തിയപ്പോഴും ​ഗംഭീര സ്വീകരണമാണ് ലഭിച്ചത്. മഞ്ജുവിനെ പോലെ തന്നെ അമ്മ ഗിരിജയും മലയാളികൾക്ക് സുപരിചിതയാണ്.

ഇപ്പോൾ ഇതാ 46 വർഷങ്ങൾക്ക് ശേഷം ‘അമ്മ വീണ്ടും എഴുതിത്തുടങ്ങിയതിന്റെ സന്തോഷം പങ്കുവെച്ചിരിക്കുകയാണ് മഞ്ജു. ഗിരിജാ വാര്യർ എഴുതിത്തുടങ്ങുകയാണ്. പോയകാലത്തെ തെളിച്ചംനിറഞ്ഞ ഓർമകളെ കാച്ചിക്കുറുക്കിയ വരികളിൽ അവർ ഗൃഹലക്ഷ്മിയിൽ ‘നിലാവെട്ടം’ എന്ന പംക്തിയിലൂടെ വായനക്കാരുമായി പങ്കുവെക്കുന്നു. അതിന്റെ സന്തോഷമാണ് മഞ്ജു സമൂഹമാധ്യമത്തിൽ പങ്കുവെച്ചത്.

അമ്മ എഴുതിയ ലേഖനം ഏറെ അഭിമാനത്തോടെ പങ്കു വയ്ക്കുന്നു. അമ്മയുടെ കോളേജ് കാലം കഴിഞ്ഞ് ഏകദേശം 46 വർഷങ്ങൾക്ക് ശേഷമാണ് ഒരു പ്രസിദ്ധീകരണത്തിൽ അമ്മ എഴുതിയ വാചകങ്ങൾ അച്ചടിച്ചു വരുന്നത്. അത് ഗൃഹലക്ഷ്മിയിൽ തന്നെ ആയതിൽ സന്തോഷം. കൂട്ടത്തിൽ ഒരു ചെറിയ തിരുത്ത് കൂടി… ഗിരിജാ വാര്യരുടെ മൂത്ത മകളല്ല, ഇളയ മകളാണ് ഞാൻ ട്ടോ! അമ്മയെഴുതിയ ലേഖനത്തിന്റെ പേജ് പങ്കുവെച്ച് മകൾ അഭിമാനത്തോടെ സോഷ്യൽ മീഡിയയിൽ കുറിച്ചത് ഇങ്ങനയെയായിരുന്നു .നിരവധി പേരാണ് മഞ്ജുവിന്റെ പോസ്റ്റിന് താഴ ആശംസകളുമായി എത്തുന്നത്