മകന് 27വയസ്സായെന്ന് വിശ്വസിക്കാൻ സാധിക്കുന്നില്ല, അഞ്ചു വയസ്സുകാരൻ്റെ നിഷ്കളങ്കമായ മനസ്സോടെയാണ് അവൻ കടന്നുപോകുന്നത്

മാനസിക വളർച്ച കുറഞ്ഞ മകന്റെ ജന്മദിനത്തിൽ മഞ്ജുഷ അനു എന്ന അമ്മ പങ്കുവെക്കപ്പെട്ട കുറിപ്പ് ശ്രദ്ധേയമാകുന്നു. 27 വയസ്സുള്ള ഒരു യുവാവായി എന്റെ മകൻ മാറി പക്ഷേ ഇന്നും ഈ ലോകത്തിലെ ഒരു സന്തോഷങ്ങളും അനുഭവിക്കാതെ ,ഒരു വർണ്ണങ്ങളും തിരിച്ചറിയാതെ, ഒരു കപടതകളും അറിയാതെ, ഒരാളെയും സങ്കടപ്പെടുത്താതെ, ആരെയും ചതിക്കാതെ, ദ്രോഹിക്കാതെ, ഒരു അഞ്ചു വയസ്സുകാരൻ്റെ നിഷ്കളങ്കമായ മനസ്സോടെയാണ് അവൻ കടന്നുപോകുന്നതെന്ന് കുറിപ്പിൽ പറയുന്നു.

കുറിപ്പിങ്ങനെ

ഇന്ന് എൻ്റെ ചന്തു മോൻ്റെ ഇരുപത്തിയേഴാം പിറന്നാൾ. ശരിക്കും 27 വയസ്സുള്ള ഒരു യുവാവ് ആണ് എൻറെ മോൻ.വിശ്വസിക്കാനേ പറ്റുന്നില്ല.ഒരു വിവാഹം കഴിച്ച് ഒരു കുടുംബം ഉണ്ടാകേണ്ട പ്രായം ,പക്ഷേ ഇന്നും ഈ ലോകത്തിലെ ഒരു സന്തോഷങ്ങളും അനുഭവിക്കാതെ ,ഒരു വർണ്ണങ്ങളും തിരിച്ചറിയാതെ, ഒരു കപടതകളുംഅറിയാതെ, ഒരാളെയും സങ്കടപ്പെടുത്താതെ, ആരെയും ചതിക്കാതെ, ദ്രോഹിക്കാതെ,
ഒരു അഞ്ചു വയസ്സുകാരൻ്റെ നിഷ്കളങ്കമായ മനസ്സോടെ കടന്നുപോകുന്നു എൻ്റെ കുട്ടീടെ പ്രായം.

ഞാൻ എവിടെയെങ്കിലും പോകാനിറങ്ങുമ്പോൾ അല്ലെങ്കിൽ ഫോൺ ചെയ്യുമ്പോൾ ,അവൻ പറയാറുളളത്, ഒരു പീപ്പി വാങ്ങിച്ചോണ്ട് വരണേ, ഒരു പൂത്തിരി വാങ്ങിച്ചോണ്ട് വരണേ ,ഒരു കളിപ്പാട്ടം വാങ്ങിച്ചോണ്ട് വരണേ, അതൊക്കെയാണ് അവൻറെ ആവശ്യം. നാട്ടിൽ ഉണ്ടായിട്ടും ഈ lockdown കാരണം ഈ പിറന്നാൾദിനത്തിൽ അവൻ്റെ അടുത്തെത്താൻ എനിക്ക് കഴിഞ്ഞില്ല.എൻ്റെ പൊന്നുമോന് ആയുസ്സും ആരോഗ്യവും നേർന്നുകൊണ്ട് അമ്മയുടെ പിറന്നാളുകൾ