എന്റെ ബീന ആശുപത്രിയില്‍, കോവിഡ് ആണ്, താനും ഭാര്യയും അനുഭവിക്കുന്ന വേദനകള്‍, മനോജ് കുമാര്‍ പറയുന്നു

മലയാള സിനിമ സീരിയല്‍ പ്രേക്ഷകരുടെ പ്രിയപ്പെട്ട താര ദമ്പതികളാണ് ബിന ആന്റണിയും മനോജ് കുമാറും. പ്രണയത്തിലായിരുന്ന ഇവര്‍ പിന്നീട് ജീവിതത്തില്‍ ഒന്നാവുകയായിരുന്നു. ഇരുവരും സോഷ്യല്‍ മീഡിയകളിലും ഏറെ സജീവമാണ്. തങ്ങളുടെ യൂട്യൂബ് ചാനലില്‍ പങ്കുവെയ്ക്കുന്ന വീഡിയോകളിലൂടെയും ഇരുവരും പ്രേക്ഷകര്‍ക്ക് മുന്നില്‍ എത്താറുണ്ട്.

ഇപ്പോള്‍ തന്റെ പ്രിയതമയ്ക്ക് കോവിഡ് ബാധിച്ചതിനെ കുറിച്ചാണ് മനോജ് പറഞ്ഞരിക്കുന്നത്. എന്റെ ബീന ഹോസ്പിറ്റലില്‍… കൊവിഡ്.. ഞാനും അവളും അനുഭവിക്കുന്ന വേദനകള്‍… എന്ന ക്യാപ്ഷ്യനോടെയാണ് മനോജ് യൂട്യൂബില്‍ ഒരു വീഡിയോ പങ്കുവെച്ചിരിക്കുന്നത്.

ലോക്ക്ഡൗണ്‍ തുടങ്ങും മുമ്പ് ഒരു പരമ്പരയില്‍ പങ്കെടുക്കാന്‍ പോയപ്പോള്‍ അവിടെയൊരാള്‍ക്ക് കൊവിഡ് പോസിറ്റീവായിരുന്നു. അതിനുശേഷമാണ് ബീനയ്ക്കും പോസിറ്റീവായതെന്ന് മനോജ് കുമാര്‍ വീഡിയോയില്‍ പറയുന്നു. തൊണ്ടവേദനയും, ശരീരവേദനയുമായിട്ടായിരുന്നു തുടക്കം, അതിനുശേഷമാണ് പരിശോധിച്ചത്, അതോടെയാണ് പോസിറ്റീവാണെന്നറിഞ്ഞതെന്നും മനോജ് വ്യക്തമാക്കി.

സഹോദരിക്കും കുട്ടിക്കും കുറച്ചുദിവസം മുമ്പ് പോസിറ്റീവായിരുന്നു, അവര്‍ റൂം ക്വാറന്റൈനില്‍ ഇരുന്ന് രോഗം മാറിയിരുന്നു. ബീനയും അതുപോലെ റൂം ക്വാറന്റൈനില്‍ ഇരുന്ന് മാറുമെന്ന് കരുതി. പക്ഷെ ഓക്‌സിമീറ്റര്‍ വെച്ച് നോക്കിയപ്പോള്‍ ഓക്‌സിജന്‍ കുറയുന്നതായി തോന്നി, ചുമയും ക്ഷീണവുമുണ്ടായിരുന്നു, ബന്ധത്തിലുള്ള ഡോക്ടര്‍ പറഞ്ഞതനുസരിച്ച് ഇഎംസി ആശുപത്രിയില്‍ പ്രവേശിപ്പിച്ചു.- മനോജ് പറഞ്ഞു.