അമ്മയുടെ നടയില്‍ ആണ് നമ്മള്‍ എന്ന് ഡ്രൈവര്‍ പറഞ്ഞു, ആറ്റുകാല്‍ ക്ഷേത്രത്തിലേക്ക് ഓട്ടോറിക്ഷയില്‍ യാത്ര ചെയ്തയാളുടെ അനുഭവം

ആറ്റുകാല്‍ ക്ഷേത്രത്തിലേക്ക് പോകാനായി ഓട്ടോ വിളിച്ചപ്പോള്‍ ഉണ്ടായ അനുഭവം വിവരിച്ചിരിക്കുകയാണ് ഒരു യുവാവ്. ഡീസലിന്റെയും പെട്രോളിന്റെയും വില റോക്കറ്റ് പോലെ കുതിച്ചുയര്‍ന്നിട്ടും ഓട്ടോ ചാര്‍ജായി ബസ് കൂലി മാത്രം വാങ്ങുകയും അധികം പണം നിര്‍ബന്ധിച്ച് തിരികെ ഏല്‍പ്പിക്കുകയും ചെയ്യുന്ന ഓട്ടോ ഡ്രൈവറെ കുറിച്ചുമാണ് ഫേസ്ബുക്കില്‍ പങ്കുവെച്ച കുറിപ്പില്‍ പറയുന്നത്.

ഫേസ്ബുക്ക് പോസ്റ്റിന്റെ പൂര്‍ണരൂപം, ഇന്നലെ വൈകുന്നേരം തിരുവനന്തപുരത്തെ കരമന ജംഗ്ഷനില്‍ നിന്നും ഞാനും അച്ഛനും അമ്മയും ആറ്റുകാല്‍ അമ്ബലത്തിലേക്ക് പോകുവാന്‍ ആയി ഒരു ഓട്ടോക് കൈകാണിച്ചു. ഓട്ടോ അടുത്തു കൊണ്ടു നിറുത്തി. ചേട്ടാ ആറ്റുകാല്‍ ക്ഷേത്രത്തിലേക്ക് സവാരി പോകുമോ? ഞാന്‍ ചോദിച്ചു. പോകും. എന്ന മറുപടി കിട്ടി. എത്രയാകും? വളരെ നിസ്സംഗതയോടെ ചേട്ടന്‍ 30 എന്നു പറഞ്ഞു. നിങ്ങള്‍ മൂന്നുപേരല്ലേ മുപ്പത് രൂപ മതി. ഓട്ടോ ചേട്ടന്‍ പറഞ്ഞു.

ഓട്ടോയില്‍ കയറിയ ഞാന്‍ ചോദിച്ചു, ചേട്ടാ ഇപ്പോള്‍ സവാരി ഒക്കെ കിട്ടുന്നുണ്ടോ? കുറവാണ്, അതും നിസ്സംഗതയോടെ പറഞ്ഞു. കുറച്ചു നേരത്തെ മൗനത്തിനു ശേഷം, ഓട്ടോ ചേട്ടന്‍ പറഞ്ഞു. ഞാന്‍ കരമന സ്റ്റാന്‍ഡില്‍ ആണ് ഓടുന്നത്. ആറ്റുകാല്‍ അമ്മയുടെ ഉത്സവം നടക്കുന്ന സമയത്ത്, ആറ്റുകാല്‍ ക്ഷേത്രത്തില്‍ലേക് ഉള്ള സവാരി ഫ്രീ ആയിരിക്കും. പക്ഷെ ഇപ്പോള്‍ അതല്ല അവസ്ഥ. ജീവിക്കാന്‍ വേണ്ടി ആണ് ഞാന്‍ നിങ്ങള്‍ ബസിനു കൊടുക്കേണ്ട കാശ് പറഞ്ഞത്.

ആറ്റുകാല്‍ ക്ഷേത്രത്തില്‍ എത്തി. ഞാന്‍ 50 രൂപ കൊടുത്തു. ബാക്കി വേണ്ട എന്നു പറഞ്ഞു. അമ്മയുടെ നടയില്‍ ആണ് നമ്മള്‍, ഞാന്‍ കാശ് കൂടുതല്‍ മേടികില്ല. ദയവായി ബാക്കി കാശ് വാങ്ങിക്കു. ഞാന്‍ ആ കാശ് വാങ്ങി. ഓട്ടോ ചേട്ടന്‍ ഒരു ചെറു പുഞ്ചിരിയോടെ ആറ്റുകാല്‍ അമ്മയെ തൊഴുത്തിട്ടു മുമ്പോട്ടു പോയി. ആ ഓട്ടോ ചേട്ടന്‍ ഇപ്പോഴും മനസില്‍ നിന്നും മായുന്നില്ല. വല്‍ക്കഷ്ണം ഡീസെല്‍ വില വളരെ ഉയരത്തില്‍ ആണ്. ഓട്ടോ കാശ് ഇതുവരെ കൂടിയിട്ടില്ല. ഓട്ടവും കുറവാണ്. ഇവരുടെ ഈ അവസ്ഥയും നമ്മള്‍ കാണണം, കേള്‍ക്കണം.!!!!!