കോൺക്രീറ്റ് മിക്‌സിംഗ് യന്ത്രത്തിൽ കൈകുടുങ്ങി, ഒടുവിൽ കൈമുറിച്ച് മാറ്റി യുവാവിനെ രക്ഷപ്പെടുത്തി

തിരുവനന്തപുരം: കോൺക്രീറ്റ് മിക്‌സിംഗ് യന്ത്രത്തിൽ കൈകുടുങ്ങിയ യുവാവിനെ കൈമുറിച്ച് മാറ്റി രക്ഷപ്പെടുത്തി. യന്ത്രം വൃത്തിയാക്കുന്നതിനിടെ കൈ കുടുങ്ങി പൂവാർ തിരുപുറം അംബേദ്കർ നഗറിൽ മനു എന്ന അരുൺകുമാറാണ് (31) ഒരുമണിക്കൂറോളം നരകയാതന അനുഭവിച്ചത്. നഗരസഭയുടെ ഇടവഴികൾ കോൺക്രീറ്റ് ചെയ്യുന്ന പദ്ധതി ഭാഗമായി നടന്ന ജോലിക്കുശേഷം യന്ത്രം വൃത്തിയാക്കുമ്പോഴാണ് അപകടം.

വിഴിഞ്ഞം കാവുവിളാകം തോട്ടിൻകരയിലെ നടവഴിയിൽ വ്യാഴാഴ്ച വൈകിട്ട് 4.30ഓടെയായിരുന്നു അപകടം. യുവാവ് യന്ത്രം ഓഫാക്കാതെ പ്ലാസ്റ്റിക് ചാക്ക് ഉപയോഗിച്ച് വൃത്തിയാക്കവെ കൈ യന്ത്രത്തിൽ കുടുങ്ങുകയായിരുന്നു. ചക്രങ്ങൾക്കിടയിൽ ചാക്ക് കുടുങ്ങി കൈ അകപ്പെടുകയായിരുന്നു. പണിക്കർ നന്നായി പരിശ്രമിച്ചെങ്കിലും രക്ഷപ്പെടുത്താൻ ആയില്ല.

ഇതോടെ ഫയർഫോഴ്സിനെയും വിഴിഞ്ഞം പൊലീസിനെയും വിവരമറിയിച്ചു. ഫയർഫോഴ്സെത്തി യന്ത്രത്തിന്റെ ലോക്ക് കട്ട് ചെയ്യാൻ ശ്രമിച്ചെങ്കിലും നടക്കാതെ വന്നതോടെ വിഴിഞ്ഞം സാമൂഹ്യാരോഗ്യ കേന്ദ്രത്തിൽ നിന്ന് ഡോ.എസ്. ആമിന സ്ഥലത്തെത്തി കൈ മരവിപ്പിച്ച ശേഷം മുട്ടിന് മുകളിൽവച്ച് മുറിച്ചുമാറ്റുകയായിരുന്നു. യുവാവിന്റെ വലതുകൈപ്പത്തി ഉൾപ്പെടെയുള്ള ഒരു ഭാഗം ചതഞ്ഞ് യന്ത്രത്തിൽ കുടുങ്ങിക്കിടന്നിരുന്നു. യുവാവിനെ തിരുവനന്തപുരം