ബലാത്സംഗം പോലൊരു വിഷയം ലളിതമായി കാണേണ്ടതോ തമാശയാക്കേണ്ടതോ അല്ല,വാസു അണ്ണൻ റേപ്പ് ജോക്കുകൾക്കെതിരെ മന്യ

ജോക്കർ സിനിമയിലൂടെ ലോഹിതദാസാണ് മന്യയെ മലയാളികൾക്കു പരിജയപ്പെടുത്തുന്നത്.തുടർന്ന് കുഞ്ഞിക്കൂനൻ,രാക്ഷസരാജാവ്,അപരിചിതൻ തുടങ്ങിയ നിരവധി സിനിമകളിലൂടെ ശ്രദ്ധേയയായി.വിവാഹശേഷം അഭിനയത്തിൽ നിന്ന് വിട്ടു നിൽക്കുകയായിരുന്ന താരം കഴിഞ്ഞ കുറച്ചു നാളുകളായി സോഷ്യൽ മീഡിയയിലെ ട്രെൻഡിങ് ടോപ്പിക്കാണ്.കുഞ്ഞിക്കൂനൻ സിനിമയിൽ സായിക്കുമാർ അവതരിപ്പിച്ച വാസു അണ്ണനെ വിവാഹം കഴിച്ച് താമസിക്കുകയാണ് മന്യ എന്ന തരത്തിൽ നിരവധി ‌‌‌ട്രോലുകൽ വന്നിരുന്നു അതിന് പ്രതികരണവുമായി മന്യ തന്നെ രം​ഗത്തെത്തുകയും ചെയ്തിരുന്നു.ഇപ്പോളിതാ തന്റെ ചിത്രം ഉപയോഗിച്ചുള്ള വാസു അണ്ണൻ റേപ്പ് ജോക്കുകളോട് പ്രതികരിച്ചെത്തിയിരിക്കുകയാണ് താരം

വാക്കുകൾ ഇങ്ങനെ,

ബലാത്സംഗം പോലൊരു വിഷയം ലളിതമായി കാണേണ്ടതോ തമാശയാക്കേണ്ടതോ അല്ല. ഒരിക്കലും ന്യായീകരിക്കപ്പെടേണ്ട ഒന്നല്ല അത്.നമുക്കെല്ലാം ഒരു കുടുംബമുണ്ട്. ഈ ട്രോളുകൾ എനിക്ക് മാറ്റാനാകില്ല, അതെന്റെ കൈയ്യിലല്ല. എന്റെ കുടുംബത്തെ ബാധിക്കാത്തിടത്തോളം എനിക്കതിനെ ഗൗരവമായി കാണാനാകില്ല. മലയാളം വായിക്കാൻ അറിയില്ല. കുറേ മീമുകൾ കണ്ടിരുന്നു. എല്ലാ ട്രോളുകളും കണ്ടിട്ടില്ല. എന്താണ് എഴുതിയിരിക്കുന്നത് എന്നും അറിയില്ല. ഉയിരിൻ ഉയിരേ എന്ന ഗാനം വെച്ചുള്ള ട്രോൾ സുഹൃത്ത് അയച്ചുതന്നിരുന്നു. ആരോ ചെയ്ത ഒരു തമാശ ആയേ തോന്നിയുള്ളൂ. ഭർത്താവിന് സിനിമാമേഖലയുമായി ബന്ധമില്ല. ഈ ട്രോളുകളും മറ്റും അദ്ദേഹത്തിനും കുടുംബത്തിനും സുപരിചിതമായ കാര്യമല്ല. അതുകൊണ്ട് തന്നെ അദ്ദേഹത്തിനും കുടുംബത്തിന് വിഷമം ആകരുതെന്ന് തനിക്കുണ്ടെന്നും നടി കൂട്ടിച്ചേർത്തു.

കുഞ്ഞിക്കൂനൻ എന്ന ചിത്രത്തിലെ വാസു അണ്ണൻ എന്ന കഥാപാത്രത്തെ ഉപയോഗിച്ചുകൊണ്ടുള്ള റേപ്പ് ജോക്കുകളും ട്രോളുകളും രൂക്ഷ വിമർശനങ്ങൾക്ക് ഇടയാക്കിയിരുന്നു. ചിത്രത്തിൽ മന്യയുടെ കഥാപാത്രത്തെ സായി കുമാർ കഥാപാത്രം ബലാത്സംഗം ചെയ്യുന്നത് പശ്ചാത്തലമാക്കിയായിരുന്നു ട്രോളുകൾ. കുടുംബ ചിത്രങ്ങളിൽ ഇരുവരുടേയും തലകൾ എഡിറ്റ് ചെയ്ത് ചേർത്ത മീമുകളായിരുന്നു കൂടുതലും