സുഹാന സൗന്ദര്യം ഒട്ടും ശ്രദ്ധിയ്ക്കാറില്ല, അതിന് ബഷി എപ്പോഴും വഴക്ക് പറയും- മഷൂറ

ബിഗ്‌ബോസ് മലയാളം ആദ്യ സീസണിലെ മത്സരാർത്ഥി ആയി എത്തിയതോടെയാണ് ബഷീർ ബഷി ഏറെ ശ്രദ്ധിക്കപ്പെട്ടത്. ബിഗ്‌ബോസിന് ശേഷം കല്ലുമ്മക്കായ എന്ന വെബ് സീരിസിലൂടെയും താരം തിളങ്ങി. എന്നാൽ രണ്ട് പ്രാവശ്യം വിവാഹം കഴിച്ചതുമായി ബന്ധപ്പെട്ട് കടുത്ത വിമർശനങ്ങളും താരത്തിനെതിരെ ഉയർന്നിരുന്നു. സുഹാനയും മഷൂറയുമാണ് ബഷീർ ബഷിയുടെ ഭാര്യമാർ. ബഷീറിനും ഭാര്യമാർക്കും യൂട്യൂബ് ചാനലുകളുണ്ട്. ഇതിലൂടെ വിശേഷങ്ങൾ പങ്കുവെച്ച് മൂവരുമെത്താറുണ്ട്. അടുത്തിടെയാണ് മഷൂറ ​ഗർഭിണിയാണെന്ന വാർത്ത ഇരുവരും പങ്കിട്ടത്. ബഷീർ ബഷിയുടെ രണ്ടാംഭാര്യ മഷൂറയെ വിവാഹം ചെയ്യുന്നത് 2018 ലാണ്. ആദ്യഭാര്യ സുഹാനയും മഷൂറയും സഹോദരിമാരെ പോലെയാണ് ഒരു വീട്ടിൽ കഴിയുന്നത്.

തങ്ങൾ മൂന്ന് പേർക്കും തിരക്കുള്ള ഒരു ദിവസം എങ്ങിനെയായിരിയ്ക്കും എന്ന് കാണുച്ചുകൊണ്ട് ആണ് മഷുറയുടെ പുതിയ വ്‌ളോഗ്. അതിൽ സുഹാന സൗന്ദര്യം ശ്രദ്ധിയ്ക്കാത്തതിനെ കുറിച്ചും പറയുന്നുണ്ട്. ഓൾ ഇന്ത്യൻ ടൂറിൽ നിന്നും ഇടയിൽ ചെറിയൊരു ഇടവേള എടുത്ത് വീട്ടിൽ എത്തിയതാണ് ബഷീർ ബഷി. ബിസിനസ്സ് കാര്യങ്ങൾക്ക് വേണ്ടിയും, മഷുറയുടെ പിറന്നാൾ ആഘോഷത്തിന് വേണ്ടിയും ആണ് ഈ ഇടവേള. നാല് ദിവസത്തെ അവധിയുണ്ട് എങ്കിലും ഒരു ദിവസം പോലും നിന്ന് തിരിയാനോ, നേരെ നിന്ന് സംസാരിക്കാനോ ബഷിയ്ക്ക് സമയം ഇല്ല എന്ന് മഷുറ പറയുന്നു

അതിനിടയിൽ മഷുറയ്ക്കും, സുഹാനയ്ക്കും അവരവരുടെ ചാനലിലേക്ക് വേണ്ട വീഡിയോസ് ഷൂട്ട് ചെയ്യണം. മക്കളെ നോക്കണം, അവരെ സ്‌കൂളിൽ വിടുകയും കൂട്ടി കൊണ്ടു വരികയും ചെയ്യണം. സ്‌കൂളിൽ നിന്ന് വന്നാൽ പിന്നെ പഠനത്തിന്റെ തിരക്കിലായി. അതിനിടയിൽ സോനു ഒരിക്കലും മുഖ സൗന്ദര്യം ശ്രദ്ധിക്കാറില്ലെന്നും പറയുന്നു

ചർമ സംരക്ഷണത്തിനും സൗന്ദര്യത്തിനും ബിബി ക്രീം ബിസിനസ് നടത്തുന്നുണ്ട് എങ്കിലും സോനു അത് ഉപയോഗിക്കാറില്ല. എന്നാൽ ബഷി വന്നത് കൊണ്ട് ഇനി അത് ഉപയോഗിച്ച് തുടങ്ങുകയാണ് എന്ന് സുഹാന പറയുന്നു. സൗന്ദര്യം സംരക്ഷിക്കുന്ന കാര്യത്തിൽ സോനുവിനെ എന്നും ബഷി വഴക്ക് പറയാറുണ്ട് എന്നാണ് മഷുറ പറയുന്നത്. എന്നാൽ തനിക്ക് നേരം കിട്ടാറില്ല, കിട്ടിയാലും മുഖത്ത് എന്തെങ്കിലും ക്രീം പുരട്ടി ഉറങ്ങുന്നത് എല്ലാം ബുദ്ധിമുട്ടാണ് എന്നാണ് സോനു പറഞ്ഞത്. എന്തായാലും ഇന്ന് മുതൽ ശ്രമിയ്ക്കും എന്ന് സുഹാന ഉറപ്പ് പറഞ്ഞു.