ആരെയും വഴി തടഞ്ഞിട്ടില്ല, കറുത്ത മാസ്കിന്‌ വിലക്കില്ല, എല്ലാം വ്യാജ വാർത്തകൾ

ആരെയും വഴി തടയില്ലെന്നും കറുത്ത വസ്ത്രത്തിനു വിലക്കും ഇല്ലെന്നും മുഖ്യമന്ത്രി. പ്രചരിക്കുന്നത് എല്ലാം വ്യാജമായ വാർത്തകൾ ആണ്‌.കേരളത്തിൽ ഒരാളുടേയും സഞ്ചാര സ്വാതന്ത്ര്യം തടയാൻ സമ്മതിക്കില്ല. ഗ്രന്ഥശാലാ പ്രവർത്തകരുടെ സംസ്ഥാന സംഗമത്തിൽ സംസാരിക്കുകയായിരുന്നു അദ്ദേഹം. പൗരാവകാശം തടയുന്ന നടപടികൾ ഒന്നും ഉണ്ടാകില്ല. സർക്കാരിനെ അപകീർത്തിപ്പെടുത്താനുള്ള വ്യാജപ്രചാരണങ്ങളാണ് നടക്കുന്നത്. ആരേയും വഴി തടയുന്നതുമില്ല. വഴി തടയുകയാണെന്ന് ചിലർ വ്യാജപ്രചാരണം നടത്തി.

മറ്റുള്ളവരേ തടഞ്ഞും വഴി തടഞ്ഞും തനിക്ക് സുരക്ഷ ഒരുക്കാൻ പറഞ്ഞിട്ടില്ല. അത്തരം സംഭവങ്ങൾ ഉണ്ടായിട്ടും ഇല്ല.കറുത്ത മാസ്ക് പറ്റില്ലെന്ന് പറയുകയോ ചെയ്തിട്ടില്ലകേരളത്തിലുള്ള ഏതൊരാൾക്കും ഇഷ്ടമുള്ള വസ്ത്രം ധരിക്കാം. ഇതിന് വേണ്ടി ധാരാളം പ്രക്ഷോഭം നടന്ന നാടാണ് ഇത്. പഴയ ചിന്താഗതിയോടെ സമൂഹത്തിൽ ഇടപെടുന്ന ശക്തികൾ ചിലതൊക്കെ ആഗ്രഹിക്കുന്നുണ്ടാകാം. പക്ഷേ പ്രബുദ്ധ കേരളം അതൊന്നും സമ്മതിക്കില്ല.

കേരളത്തിന്റെ ഇന്നത്തേ വളർച്ചക്ക് പിന്നിൽ ഇടത് പക്ഷമായിരുന്നു. ആർക്കും ഇഷ്ട മാസ്കും വസ്ത്രവും ധരിക്കാം.കേരളത്തിൽ ഇന്ന് കാണുന്ന എല്ലാ പ്രത്യേകതകളും നേടിയെടുക്കുന്നതിന്റെ മുൻപന്തിയിൽ ഇടതുപക്ഷമായിരുന്നു. ആ സർക്കാർ നിലനിൽക്കുമ്പോൾ കേരളത്തിൽ ഒരു പ്രത്യേകവസ്ത്രം ധരിക്കാൻ പറ്റില്ല എന്ന നിലപാടുണ്ടാകില്ല. സർക്കാരിനെ അപകീർത്തിപ്പെടുത്താൻ മറ്റൊന്നും കിട്ടാത്തതു കൊണ്ട് ഉണ്ടാക്കുന്ന കള്ളക്കഥകളെ തിരിച്ചറിയണമെന്നും മുഖ്യമന്ത്രി പറഞ്ഞു.