കോഴിക്കോട് മെഡിക്കല്‍ കോളേജി ബൈപ്പാസ്‌ ശസ്ത്രക്രിയക്കിടെ അജ്ഞാത വസ്തു ശരീരത്തിൽ കുടുങ്ങി, വീണ്ടും പരാതി

കോഴിക്കോട് : ബൈപ്പാസ്‌ ശസ്ത്രക്രിയക്കിടെ അജ്ഞാത വസ്തു വയോധികന്റെ ശരീരത്തിൽ കുടുങ്ങിയതായി പരാതി. കോഴിക്കോട് മെഡിക്കല്‍ കോളേജി അഞ്ചു വർഷം മുൻപാണ് (2018 ) അത്തോളി ചീക്കിലോട് കോറോത്ത് അശോകൻ (60) ബൈപ്പാസ് ശസ്ത്രക്രിയ നടത്തിയത്. എന്നാൽ, ആശുപത്രി വിട്ടിട്ടും മുറവുണങ്ങാതെ ഇതിൽനിന്ന് രക്തവും നീരും ഒലിക്കുകയായിരുന്നു. നാലുതവണയായി വീണ്ടും മെഡിക്കൽ കോളേജിലെത്തി ഡോക്ടർമാരെ കണ്ടെങ്കിലും ഫലമുണ്ടായില്ല.

തുടർന്ന് നിരവധി ഡോക്ടർമാരെ മാറിമാറി കണ്ടെങ്കിലും ഫലം ഉണ്ടായില്ല. ഒടുവിൽ ഉള്ളിയേരിയിലെ മെഡിക്കൽ കോളേജിലെത്തി ഡോക്ടറെ കണ്ടപ്പോഴാണ് സ്‌കാൻ ചെയ്യാൻ നിർദേശിച്ചത്. സ്‌കാനിങ്ങിൽ ഹൃദയത്തിനു താഴെയായി ബാഹ്യവസ്തു കിടക്കുന്നത് കണ്ടെത്തി. തുടർന്ന് ഇക്കഴിഞ്ഞ ഫെബ്രുവരിയിൽ ശസ്ത്രക്രിയനടത്തി അത് പുറത്തെടുത്തു. ഇതോടെ രക്തവും നീരും മറ്റും വരുന്നത് നിന്നതായും മുറിവുണങ്ങിയതായും അശോകൻ പറഞ്ഞു.

പിന്നലെ ഇക്കാര്യങ്ങൾ കട്ടി അശോകൻ മുഖ്യമന്ത്രിക്ക് പരാതി നൽകുകയായിരുന്നു. തുടർന്ന് മുഖ്യമന്ത്രിയുടെ ഓഫീസിൽനിന്ന് ആവശ്യപ്പെട്ട പ്രകാരം തിങ്കളാഴ്ച രോഗിയെ വിളിച്ചുവരുത്തി മെഡിക്കൽ കോളേജ് ആശുപത്രി അധികൃതർ തെളിവെടുത്തു. അഞ്ചു വർഷം നീണ്ട നരകയാതനയ്ക്ക് കരണക്കാരായവർ ശിക്ഷിക്കപ്പെടണം എന്നതാണ് അശോകന്റെ ആവശ്യം.

ഡോക്ടർമാരുടെ കൈപ്പിഴ ഒന്നുകൊണ്ടുമാത്രം കുടുംബം കടക്കെണിയിൽ ആയി. അഞ്ചുവർമായി ജോലിക്കും പോവാനായില്ല” -അശോകൻ പറയുന്നു. രണ്ടു ശസ്ത്രക്രിയക്കുമായി മൂന്നരലക്ഷത്തോളം രൂപ ചെലവായി. കടവുമുണ്ട്. വീഴ്ചവരുത്തിയവർക്കെതിരേ നടപടിവേണം, ഒപ്പം നഷ്ടപരിഹാരവും -അശോകൻ ആവശ്യപ്പെട്ടു. കോഴിക്കോട് മെഡിക്കൽ കോളേജിൽ ശസ്ത്രക്രിയക്കിടെ വയറ്റിൽ കത്രിക കുടുങ്ങിയ ഹർഷിനയ്ക്ക് ഇന്നും നീതി കിട്ടിയിട്ടില്ല. ഇതിനിടെയാണ് വീണ്ടും ഗുരുതര പരാതി ഉയർന്നിരിക്കുന്നത്.