മഞ്ഞക്കിളിയായി സുന്ദരിയായി താരപുത്രി, സ്ലീവ് ലെസ്സ് ഡ്രസ് ചിത്രം ഏറ്റെടുത്ത് ആരാധകർ

ഏറെ ആരാധകരുള്ള താരപുത്രിമാരിൽ ഒരാളാണ് നടൻ ദിലീപിന്റെ മകൾ മീനാക്ഷി ദിലീപ്. ദിലീപിനും ഭാര്യ കാവ്യാമാധവനുമൊപ്പം മീനാക്ഷിയും വാർത്തകളിൽ നിറയാറുണ്ട്.

ഇപ്പോഴിതാ മീനാക്ഷി ഇൻസ്റ്റാഗ്രാമിൽ പങ്കുവെച്ച ഫോട്ടോയാണ് വൈറലായി മാറുന്നത്. മഞ്ഞക്കളറിലുള്ള സ്ലീവ് ലെസ്സ് ഡ്രസിലാണ് മീനാക്ഷി തിളങ്ങി നിൽക്കുന്നത്. ഒരു മഞ്ഞക്കിളിയെപ്പോലെ സുന്ദരിയായാണ് താരാപുത്രി നിൽക്കുന്നത്. മാസങ്ങൾക്കിപ്പുറമാണ് തൻ്റെ ലേറ്റസ്റ്റ് ചിത്രങ്ങൾ ആരാധകർക്കായി താരപുത്രി പങ്കുവെച്ചിരിക്കുന്നത്. കഴിഞ്ഞ തവണ ക്രീം സാരിയിൽ അതീവ സുന്ദരിയായി കല്യാണിലെ നവരാത്രി ആഘോഷ പരിപാടിയിൽ പങ്കെടുത്തപ്പോഴുള്ള ഫോട്ടോയാണ് മീനാക്ഷി പങ്കുവെച്ചിരുന്നത്. നല്ലൊരു നർത്തകി കൂടിയായ മീനാക്ഷി പങ്കുവെയ്ക്കുന്ന നൃത്ത വീഡിയോകളും വൈറലായി മാറാറുണ്ട്. അമ്മ മഞ്ജുവിനെപ്പോലെ നല്ലൊരു നർത്തകിയാണ് മീനാക്ഷിയെന്നാണ് പ്രേക്ഷകർ പറയാറുള്ളത്.

മീനാക്ഷിയുടെ സിനിമ അരങ്ങേറ്റത്തിനായി കാത്തിരിക്കുകയാണ് ആരാധകർ. എന്നാൽ ഇക്കാര്യത്തിൽ ഒരു സൂചനയോ പ്രതികരണമോ താരപുത്രിയുടെ ഭാഗത്ത് നിന്നോ ദിലീപിന്റെ ഭാഗത്ത് നിന്നോ ഉണ്ടായിട്ടില്ല. ദിലീപ് – കാവ്യാ മാധവൻ ദമ്പതികളുടെ മകളായ മഹാലക്ഷ്മിയുടെ വിവരം അറിയാനും ആരാധകർ കാത്തിരിക്കുകയാണ്. 2016ൽ ആയിരുന്നു ദിലീപും കാവ്യ മാധവനും വിവാഹിതർ ആവുന്നത്. വിവാഹത്തിന് പിന്നാലെ കാവ്യ സിനിമ വിടുകയും ചെയ്തു. ദിലീപിന് കൈ നിറയെ ചിത്രങ്ങളാണ്. നാദിർഷ സംവിധാനം ചെയ്യുന്ന കേശു ഈ വീടിന്റെ നാഥൻ എന്ന ചിത്രമാണ് ദലീപിന്റേതായി അവസാനമായി പുറത്തിറങ്ങിയത്