ഗർഭിണിയായിരിയ്ക്കുമ്പോൾ ഡാൻസ് കളിക്കരുത് എന്ന് എല്ലാവരും പറഞ്ഞിട്ടും കേട്ടില്ല, മിറി

സോഷ്യൽ മീഡിയ ഉപയോഗിക്കുന്ന മലയാളികൾക്ക് സുപരിചിതരാണ് മീത്ത് മിറി. ജീവിതത്തിലേക്ക് പുതിയ അഥിതി എത്തുന്നതിന്റെ സന്തോഷത്തിലാണ് ഇവർ. ഗർഭകാലത്ത് ഡാൻസും മറ്റുമൊക്കെ ഇവർ പങ്കുവെച്ചിരുന്നു. എന്നാൽ ഇതിന് വിമർശനവും നേരിടേണ്ടതായി വന്നു. അടുത്തിടെയാണ് ഇവർക്ക് കുഞ്ഞ് ജനിച്ചത്. പ്രസവിയ്ക്കാൻ പോകുന്നത് വരെ ഡാൻസ് ചെയ്ത യൂട്യൂബ് താരമാണ് മിറി. അത് കാരണം തങ്ങൾക്ക് ഉണ്ടായ അവസ്ഥയെ കുറിച്ച് മീത്തും മിറിയും പുതിയ വ്‌ളോഗിൽ സംസാരിക്കുകയുണ്ടായി.

മിറി പ്രസവിച്ചതിന് ശേഷം മീത്ത് മിറി യൂട്യൂബ് ചാനലിൽ വീഡിയോ ചെയ്യുന്നത് കുറവാണ്. കുറച്ച് നാളുകൾക്ക് ശേഷമാണ് പുതിയ വീഡിയോയുമായി ഇരുവരും എത്തുന്നത്. ഒരു ദിവസത്തെ കാഴ്ചകാളാണ് വീഡിയോയിൽ കാണിക്കുന്നത്. വാവയ്ക്ക് 40 ദിവസം കഴിഞ്ഞാൽ അമ്മയെയും കുഞ്ഞിനെയും ചെക്കപ്പ് ചെയ്യണം എന്ന് ഡോക്ടർ പറഞ്ഞിരുന്നു.

അതനുസരിച്ച് ആശുപത്രിയിലേക്ക് പോകുന്നതും വരുന്നതുമായ വിശേഷങ്ങളാണ് വീഡിയോയിൽ പറയുന്നത്.’ഡാൻസ് കളിച്ചത് വിനയായി, നമ്മുടെ അവസ്ഥ ഇതാണ് ഇപ്പോൾ’ എന്ന് പറഞ്ഞുകൊണ്ടാണ് മീത്ത് മിറി പുതിയ വീഡിയോ അപ് ലോഡ് ചെയ്തിരിയ്ക്കുന്നത്. ആശുപത്രിയിൽ പോയിട്ട് വാവയ്ക്ക് വേറെ ബുദ്ധിമുട്ടുകൾ ഒന്നുമില്ല. വളർച്ചയുടെ ഘട്ടങ്ങൾ എല്ലാം ശരിയായ രീതിയിൽ തന്നെയാണ് മുന്നോട്ട് പോകുന്നത്. ദിവസത്തിൽ നാലഞ്ച് തവണ കുഞ്ഞിനെ കുമ്പിട്ട് കിടത്തി അരികത്ത് ഇരിക്കണം എന്ന് ഡോക്ടർ നിർദ്ദേശിച്ചിട്ടുണ്ട്. കഴുത്തുറയ്ക്കാനും മറ്റും അത് നല്ലതാണത്രെ. മിറിയ്ക്കും വേറെ ബുദ്ധിമുട്ടുകൾ ഒന്നുമില്ല. അമ്മയും കുഞ്ഞും സുഖമായിരിയ്ക്കുന്നു.

പക്ഷെ വിഷയം അതല്ല, മിലി ഗർഭിണിയായപ്പോൾ ഡാൻസ് കളിച്ചതിന്റെ ഫലം അനുഭവിയ്ക്കുന്നത് ഇപ്പോൾ മീത്ത് ആണ്. വിഷയം മറ്റൊന്നുമല്ല, ഗർഭിണിയായിരുന്നപ്പോൾ കുടലിന് ഉള്ളിലിരുന്ന് വാവയും മിലിയ്‌ക്കൊപ്പം ഡാൻസ് ചെയ്തിരിയ്ക്കാം. അതുകൊണ്ട് ഇപ്പോൾ സാധാരണ പോലെ എടുത്ത് നടന്നാൽ കുഞ്ഞ് കരച്ചിൽ നിർത്തില്ല. ചാടി ചാടി നടക്കുമ്പോഴാണ് കരച്ചിൽ നിൽക്കുന്നത്. ഇത് മിറി ഡാൻസ് കളിച്ചതിനാലാണ് എന്നാണ് മീത്തിന്റെ കണ്ടെത്തൽ.