നെഞ്ച്‌പൊട്ടി മേഘ്‌ന,പ്രിയതമന്റെ മൃതദേഹത്തില്‍ കെട്ടിപ്പിടിച്ച് പൊട്ടിക്കരഞ്ഞു, വീഡിയോ

കന്നഡ നടനും നടി മേഘ്‌ന രാജിന്റെ ഭര്‍ത്താവും ആ ചിരഞ്ജീവി സര്‍ജയുടെ മരണം ഇന്ത്യന്‍ സിനിമയെ ഞെട്ടിച്ചിരിക്കുകയാണ്. നടന്റെ വിയോഗത്തില്‍ ആകെ തകര്‍ന്നിരിക്കുകയാണ് നാല് മാസം ഗര്‍ഭിണി കൂടിയായ മേഘ്‌ന. മൃതദേഹത്തില്‍ കെട്ടിപ്പിടിച്ച് മേഘ്‌ന കരഞ്ഞപ്പോള്‍ കണ്ടു നിന്നവര്‍ക്ക് പോലും സഹിക്കാനായില്ല. ജീവിതത്തിലേക്ക് പുതിയ അതിഥി കടന്നു വരുന്നതിന് മുമ്പായിരുന്നു ചിരഞ്ജീവിയുടെ മരണം. ബംഗളൂരുവില്‍ വെച്ച് ഹൃദയസ്തംഭവം മൂലമായിരുന്നു അദ്ദേഹത്തിന്റെ മരണം.

ചിരഞ്ജീവിയും മേഘ്‌നയും വിവാഹിതര്‍ ആകുന്നത് 2018ലാണ്. മലയാളത്തില്‍ ഇരുപതോളം ചിത്രങ്ങളില്‍ മേഘ്‌ന അഭിനയിച്ചിട്ടുണ്ട്. പൃഥ്വിരാജ്, ജയസൂര്യ, അനൂപ് മേനോന്‍, ഫഹദ് ഫാസില്‍ ആസിഫ് അലി തുടങ്ങിയവര്‍ക്കൊപ്പവും മേഘ്‌ന സ്‌ക്രീനിലെത്തിയിട്ടുണ്ട്. നടന്‍ അര്‍ജുന്‍ സര്‍ജയുടെ ബന്ധുവാണ് ചിരഞ്ജീവി. ഇരുപത്തി രണ്ടോളം ചിത്രങ്ങളില്‍ ഇദ്ദേഹം അഭിനയിച്ചിട്ടുണ്ട്.

ചിരഞ്ജീവി സര്‍ജയുടെ നിര്യാണത്തില്‍ അനുശോചനം അറിയിച്ച് മലയാള സിനിമാ താരങ്ങള്‍ രംഗത്ത് എത്തിയിരുന്നു. പൃഥ്വിരാജ്, ഇന്ദ്രജിത്ത്, നസ്രിയ, ജയസൂര്യ, ശ്വേത മേനോന്‍, അംബിക തുടങ്ങിയവര്‍ സോഷ്യല്‍ മീഡിയയില്‍ അനുശോചനം രേഖപ്പെടുത്തി. അപ്രതീക്ഷിതമായ ഈ മരണവാര്‍ത്ത ഞെട്ടലുണ്ടാക്കുന്നതാണ്. മേഘ്‌നയ്ക്കും കുടുംബത്തിനും ദു:ഖം താങ്ങാനുള്ള ശക്തിയുണ്ടാകട്ടെ എന്നാണ് പൃഥ്വിരാജ് സോഷ്യല്‍ മീഡിയയില്‍ കുറിച്ചു. നിങ്ങളെ ഒരുപാട് മിസ് ചെയ്യും ഭായി എന്നായിരുന്നു നസ്രിയയുടെ പ്രതികരണം. മേഘ്‌നയ്ക്ക് ഉണ്ടായ നഷ്ടത്തില്‍ വാക്കുകള്‍ ഇല്ലെന്നായിരുന്നു ശ്വേത മേനോന്‍ പറഞ്ഞത്. പ്രാര്‍ഥനയില്‍ എപ്പോഴും കൂടെ ഉണ്ടാകുമെന്നും ശ്വേത പറയുന്നു