ദൈവാനുഗ്രഹം, ജീവിതത്തിലെ പുതിയസന്തോഷത്തെക്കുറിച്ച് മേഘ്ന വിൻസന്റ്

മലയാളികളുടെ പ്രിയപ്പെട്ട നടിയാണ് മേഘ്‌ന വിൻസെന്റ്. മിനിസ്‌ക്രീൻ സീരിയലുകളിലൂടെയാണ് മേഘ്‌ന മലയാളി പ്രേക്ഷകരുടെ പ്രിയ താരമായി മാറിയത്. നടിയുടെ വിവാഹ മോചന വാർത്തകൾ അടുത്തിടെ വീണ്ടും നവമാധ്യമങ്ങളിൽ അടക്കം നിറഞ്ഞിരുന്നു. വിവാഹ മോചനത്തിന് ശേഷം മേഘ്‌നാസ് സ്റ്റുഡിയോ ബോക്‌സ് എന്ന യു ട്യൂബ് ചാനലുമായി സജീവമാണ് നടി. ഇപ്പോഴിതാ വീണ്ടും നടി വീണ്ടും മലയാളത്തിൽ അഭിനയിക്കാൻ എത്തുകയാണെന്നുള്ള വിശേഷമാണ് വൈറലാകുന്നത്.

മിസിസ് ഹിറ്റ്‌ലർ എന്ന പരമ്പരയിലാണ് മേഘ്‌ന രാജ് കേന്ദ്രകഥാപാത്രത്തെ അവതരിപ്പിക്കുന്നത്. നടൻ ഷാനവാസ് ആണ് നായകൻ. പരമ്പരെയ്ക്കുറിച്ച് മേഘ്ന പറയുന്നതിങ്ങനെ,

പ്രേക്ഷകരോട് ആദ്യം തന്നെ പറയാനുള്ളത് ഞാൻ അവരെ പ്രേക്ഷകർ എന്നൊന്നും പറയില്ല എന്നതാണ്. എന്റെ കൂട്ടുകാർ എന്നുവേണം അവരെ പറയാൻ. കാരണം ഏത് സമയത്തും നമ്മളുടെ ഒപ്പം നിൽക്കുന്ന ആളുകളെയാണല്ലോ നമ്മൾ കൂട്ടുകാർ എന്ന് പറയുന്നത്. അതുപോലെ തന്നെ എന്റെ ഏതൊരു സമയത്തും ഏതൊരു സംരംഭം കൊണ്ടു വന്നാലും രണ്ടുകൈയും നീട്ടി അവരെന്നെ സ്‌നേഹിക്കുകയും സ്വീകരിക്കുകയുമൊക്കെ ചെയ്യാറുള്ളതാണ്. അപ്പോൾ അവരോട് എനിക്ക് പറയാനുള്ളത്, അതുപോലെ തന്നെ ആ ഒരു സ്‌നേഹം ഈ പ്രോജക്ടിലും ഞാൻ പ്രതീക്ഷിക്കുന്നു.

ഷാനവാസ് ഇക്കയ്ക്ക് ഒപ്പം അഭിനയിക്കാൻ വീണ്ടും എത്തുമ്പോൾ ഒത്തിരി സന്തോഷമുണ്ട്. ഇക്ക മാത്രമല്ല, വലിയൊരു താരനിര തന്നെ സീരിയലിലുണ്ട്. ഈ ലൊക്കേഷനിൽ , പൊന്നമ്മ ആന്റിയുംം (പൊന്നമ്മ ബാബു) മറ്റുള്ളവരുടെയുമൊക്കെ ഒപ്പം ഒരേ സ്‌ക്രീനിൽ എത്താൻ കഴിഞ്ഞത് ഭാഗ്യവും ദൈവാനുഗ്രഹവുമായിട്ടാണ് ഞാൻ കരുതുന്നു