മൊയ്ദീന്റെയും കാഞ്ചനമാലയുടെയും നാടാണിത്; വിവാദങ്ങള്‍ക്ക് സ്ഥാനമില്ലെന്ന് ലിന്റോ ജോസഫ് എംഎല്‍എ

ജോര്‍ജ് എം.തോമസിന് തെറ്റുപറ്റിയെന്ന് ലിന്റോ ജോസഫ് എംഎല്‍എ. ആ തെറ്റ് അദ്ദേഹം തന്നെ സമ്മതിച്ചിട്ടുണ്ട്. മുക്കം എന്ന് പറഞ്ഞാല്‍ മൊയ്തീന്റേയും കഞ്ചാനമാലയുടേയും നാടാണ്. ആ പ്രദേശമെല്ലാം അങ്ങനെയാണ്. മത സൗഹാര്‍ദത്തോടെ കഴിയുന്ന നാടാണ്. അവിടെ വിവാദങ്ങള്‍ക്ക് സ്ഥാനമില്ല. ഊതിപ്പെരുപ്പിച്ചുണ്ടായ വിഷയങ്ങളല്ലാതെ ഒരു പ്രശ്‌നവും പ്രദേശത്തില്ല.

എല്ലാ മനുഷ്യര്‍ക്കും തെറ്റുപറ്റുന്നത് പോലെ അദ്ദേഹത്തിനും തെറ്റുപറ്റി. അത് തിരുത്താന്‍ തയാറായിട്ടുണ്ടെന്നും അതില്‍ കൂടുതലൊന്നുമില്ലെന്നും ലിന്റോ ജോസഫ് പറഞ്ഞു.  ഊതിപ്പെരുപ്പിച്ചുണ്ടായ വിഷയങ്ങളല്ലാതെ ഒരു പ്രശ്‌നവും പ്രദേശത്തില്ല. വളരെ മതസൗഹാര്‍ദത്തോടെ തന്നെ തിരുവമ്പാടിയും കോടഞ്ചേരിയും മുന്നോട്ട് പോകും.

ഷിജിന്‍ നേരത്തെ ഇത് നേരത്തെ അറിയിച്ചിരുന്നുവെങ്കില്‍ ഈ വിവാദം തന്നെ ഒഴിവാക്കാമായിരുന്നു. പാര്‍ട്ടി തന്നെ വിവാഹം നടത്തി കൊടുക്കുമായിരുന്നുവെന്നും ലിന്റോ പറഞ്ഞു. എന്താണ് സംഭവിച്ചത് എന്നറിയാത്തതിന്റെ വിഷയം കോടഞ്ചേരിയില്ഉണ്ടായിരുന്നു. ഒമ്പതിനാണ് ഈ വിഷയങ്ങളുടെ തുടക്കം. പത്തിനാണ് പ്രതിഷേധങ്ങളും മറ്റുമുണ്ടാകുന്നത്. പെണ്‍കുട്ടിക്ക് എന്തു സംഭവിച്ചുവെന്ന് അറിയാത്തതിന്റെ പുറത്തുള്ള പ്രശ്‌നമാണ്.