മാതാപിതാക്കള്‍ വളരെ കഷ്ടപ്പെട്ടാണ് എന്നെ വളര്‍ത്തിയത്, എന്റെ സന്തോഷത്തിനായി അവര്‍ എന്തും ചെയ്യുമായിരുന്നു-ജിലു

മോഡലിംഗിലൂടെയും എഴുത്തിലൂടെയും ശ്രദ്ധേയമായ താരമാണ് ജിലു ജോസഫ്. മുലയൂട്ടുന്ന കവര്‍ ഫോട്ടോ വന്നതുമുതലാണ് ജിലുവിനെ പ്രേക്ഷകര്‍ കൂടുതല്‍ അറിയാന്‍ തുടങ്ങിയത്. തുറിച്ച് നോക്കരുത് ഞങ്ങള്‍ക്ക് മുലയൂട്ടണം’ എന്ന തലക്കെട്ടോടെയുളള കവര്‍പേജില്‍ കുഞ്ഞിന് മുലയൂട്ടുന്ന ചിത്രം ഏറെ ചര്‍ച്ച ചെയ്യപ്പെട്ടിരുന്നു. ഈ വിഷയത്തെ എതിര്‍ത്തും അനുകൂലിച്ചും നിരവധി പേര്‍ അന്ന് രംഗത്തെത്തിയിരുന്നു

കുമളിയിലെ ഒരു സാധാരണ കുടുംബത്തില്‍ ജനിച്ച പെണ്‍കുട്ടിയാണ് ജിലു ജോസഫ്. ഒരുപാട് പ്രതിസന്ധികളെയും വിമര്‍ശനങ്ങളെയും നേരിട്ടാണ് ജിലു തന്റെ സ്വപ്നത്തില്‍ എത്തിയത്. എയര്‍ഹോസ്റ്റസ് എന്ന പദം പോലും കുമളിക്കാര്‍ കേള്‍ക്കാതിരുന്ന കാലത്താണ് എയര്‍ ഹോസ്റ്റസാകാന്‍ ജിലു തീരുമാനിച്ചത്. നിരവധി വിമര്‍ശനങ്ങള്‍ നേരിടേണ്ടിവന്നെങ്കിലും ജിലു ഉയരങ്ങള്‍ കീഴടക്കുകയായരുന്നു.ലോക്ക് ഡൗണ്‍ കാലത്ത് എല്ലാവരും അവരവരുടെ ചെറുപ്പകാല ജീവിതത്തെക്കുറിച്ച് അയവിറക്കുകയാണ്. ജീവിതത്തിലെ കഷ്ടപ്പാടുകളെക്കുറിച്ചു തുറന്നുപറയുകയാണ് ജിലു. മാതാപിതാക്കള്‍ എന്നെ വളരെ കഷ്ടപ്പെട്ടാണ് വളര്‍ത്തിയത്. ചെറുപ്പം മുതല്‍ ഫാന്‍സി ഏറ്റംസ് വലിയ ക്രേസ് ആയിരുന്നു, പക്ഷേ കുമളിയിലെ ഒരു സാധാരണ കര്‍ഷക കുടുംബത്തിലാണ് ഞാന്‍ ജനിച്ചത്, എന്റെ ആഗ്രഹങ്ങള്‍ എല്ലാം നിറവേറ്റാന്‍ മാതാപിതാക്കള്‍ക്ക് കഴിയുമായിരുന്നില്ല. പക്ഷേ എന്റെ സന്തോഷം കാണുന്നതിനായി അവര്‍ എന്തും ചെയ്യുമായിരുന്നു. അതിനാല്‍ തന്നെ വിലകൂടിയ സാധനങ്ങളിലേക്ക് അധികം ഞാന്‍ നോക്കിയിരുന്നില്ല. മുട്ടയും പഴങ്ങളുമൊക്കെ വിറ്റിട്ടായിരുന്നു എന്റെ ആഗ്രഹങ്ങള്‍ അവര്‍ നിറവേറ്റിയിരുന്നത്. അവര്‍ അവര്‍ക്കായി ഒന്നും വാങ്ങിക്കുന്നത് ഞാന്‍ കണ്ടിട്ടില്ലെന്നും ജിലു പറയുന്നു..

കാലം കടന്നുപോയി, ഞാന്‍ വീട്ടില്‍ നിന്ന് ദൂരെയായി, എന്റെ ജീവിത വഴികളിലായി. ജീവിതത്തെകുറിച്ചുള്ള കാഴ്ചപ്പാടുകളൊക്കെ മാറി. എന്റെ ഇഷ്ടങ്ങള്‍ മാറി. ഇതിനിടെ ഞാനൊരു സോഷ്യല്‍മീഡിയ ജീവിയായി. ഓരോ പ്രഭാതത്തിലും ആഗ്രഹിക്കുന്നതിനേക്കാള്‍ കൂടുതല്‍ ലഭിച്ചുതുടങ്ങി. വസ്ത്രങ്ങളും ആഭരണങ്ങളും ചെരിപ്പുകളും അങ്ങനെ അങ്ങനെ ആഗ്രഹിക്കുന്നതെല്ലാം. നിത്യ ജീവിത്തതില്‍ ഉപയോഗ്യമായവയാണ് ഇപ്പോള്‍ കൂടുതലും തിരഞ്ഞെടുക്കാന്‍ ആഗ്രഹിക്കുന്നത്.