വികസനത്തിന്റെ പുതിയ പാതകളിലൂടെ നമ്മളെ നയിക്കുവാൻ ശ്രീധരൻ സാറിന്റെ സേവനം നമുക്ക് ഇനിയും ആവശ്യമുണ്ട്, ആശംസകളുമായി മോഹൻലാൽ

ബിജെപിക്കാർക്ക് വളരെ വിജയ പ്രതീക്ഷയുള്ള സ്ഥാനാർത്ഥിയാണ് മെട്രോമാൻ ഇ ശ്രീധരൻ. നരേന്ദ്ര മോദി അടക്കമുള്ള നേതാക്കൾ ഈ ശ്രീധരന്റെ പ്രചരണാർത്ഥം കേരളത്തിലെത്തി. ഇപ്പോളിതാ മലയാളത്തിന്റെ മഹാതാരം മോഹൻലാലും ഇ ശ്രീധരന് പിന്തുണയുമായി രം​ഗത്തെത്തി. ശ്രീധരൻ ഓരോ ഭാരതീയന്റെയും അഭിമാനമാണ്. അത്തരത്തിലുള്ള ഒരു വ്യക്തിത്വത്തിന്റെ സേവനം ഈ നാടിന് വേണ്ടതാണെന്നും ആശംസ വിഡിയോയിൽ മോഹൻലാൽ പറയുന്നു.

ഏൽപ്പിച്ച ജോലി സമയത്തിന് മുൻപേ പൂർത്തിയാക്കി ബാക്കി വരുന്ന തുക സർക്കാരിനെ തിരികെ ഏൽപ്പിക്കുന്ന കറ കളഞ്ഞ വ്യക്തിത്വം, ഭാരതം പദ്മവിഭൂഷൺ നൽകി ആദരിച്ച നമ്മുടെ സ്വന്തം മെട്രോമാൻ ശ്രീ ഇ ശ്രീധരൻ സാർ. വികസനത്തിന്റെ പുതിയ പാതകളിലൂടെ നമ്മളെ നയിക്കാൻ കഴിയുന്ന വ്യക്തിയാണ് ശ്രീധരനെന്നും മോഹൻലാൽ പറഞ്ഞു

മോഹൻലാലിന്റെ വാക്കുകൾ ഇങ്ങനെ

‘ഓരോ ഭാരതീയനും അഭിമാനിക്കാൻ ഇവിടെ നമുക്കൊരു വ്യക്തിത്വമുണ്ട്, ഇ ശ്രീധരൻ സർ. കൊടുങ്കാറ്റിൽ തകർന്ന പാമ്പൻ പാലം 44 ദിവസം കൊണ്ട് പുനർ നിർമ്മിച്ച ഇച്ഛാശക്തിയുടെ ഉടമ. അസാധ്യമെന്ന് ലോകം കരുതിയ കൊങ്കൺ റെയ്ൽവേ കരിങ്കൽ തുരങ്കണങ്ങളിലൂടെ യാധാർത്ഥ്യമാക്കിയ ധീക്ഷണശാലി. ഡൽഹിയും കൊച്ചിയും അടക്കമുള്ള ഇന്ത്യയിലെ പ്രധാന നഗരങ്ങളിൽ മെട്രോ റെയിൽ നിർമ്മാണത്തിന് നേതൃത്വം കൊടുത്ത രാഷ്ട്ര ശിൽപി. ഏൽപ്പിച്ച ജോലി സമയത്തിന് മുൻപേ പൂർത്തിയാക്കി ബാക്കി വരുന്ന തുക സർക്കാരിനെ തിരികെ ഏൽപ്പിക്കുന്ന കറ കളഞ്ഞ വ്യക്തിത്വം, ഭാരതം പദ്മവിഭൂഷൺ നൽകി ആദരിച്ച നമ്മുടെ സ്വന്തം മെട്രോമാൻ ശ്രീ ഇ ശ്രീധരൻ സാർ. വികസനത്തിന്റെ പുതിയ പാതകളിലൂടെ നമ്മളെ നയിക്കുവാൻ ശ്രീധരൻ സാറിന്റെ സേവനം നമുക്ക് ഇനിയും ആവശ്യമുണ്ട്. ശ്രീധരൻ സാറിന് എന്റെ വിജയാംശംസകൾ.’