ഇച്ചാക്കയ്ക്ക് ഒപ്പം, മമ്മൂട്ടിയുടെ വീട്ടില്‍ എത്തി മോഹന്‍ലാല്‍, ആവേശ കൊടുമുടിയില്‍ സോഷ്യല്‍മീഡിയ

മലയാളികളുടെ സ്വകാര്യ അഹങ്കാരമാണ് മമ്മൂട്ടിയും മോഹന്‍ലാലും. ഇരുവരുടെയും ഫാന്‍സുകാര്‍ പരസ്പരം മോശം പറയുകയും കുറ്റപ്പെടുത്തുകയും ചെയ്യുമെങ്കിലും ഇവര്‍ ഉറ്റ സുഹൃത്തുക്കളാണ്. പല പ്രാവശ്യം തങ്ങളുടെ സൗഹൃദത്തിന്റെ ആഴം താര രാജാക്കന്മാര്‍ വ്യക്തമാക്കിയിട്ടും ഉള്ളതാണ്. ഇരുവരും സോഷ്യല്‍ മീഡിയകളില്‍ പങ്കുവെയ്ക്കുന്ന ചിത്രങ്ങള്‍ വളരെയധികം ശ്രദ്ധേയമാകാറുണ്ട്. ഇപ്പോള്‍ മോഹന്‍ലാല്‍ പങ്കുവെച്ച ഒരു ചിത്രമാണ് സോഷ്യല്‍ ലോകത്തെ പിടിച്ചു കുലുക്കുന്നത്.

മമ്മൂട്ടിയുടെ വീട്ടില്‍ എത്തിയപ്പോള്‍ അദ്ദേഹത്തിനൊപ്പം പകര്‍ത്തിയ ചിത്രമാണ് മോഹന്‍ലാല്‍ പങ്കുവെച്ചിരിക്കുന്നത്. താരരാജാക്കന്മാര്‍ ഒന്നിച്ച് എത്തിയ ചിത്രം ആരാധകര്‍ ആഘോഷമാക്കിയിട്ടുമുണ്ട്. കൊച്ചിയിലെ മമ്മൂട്ടിയുടെ പുതിയ വീട്ടില്‍ സന്ദര്‍ശനത്തിന് എത്തിയതായിരുന്നു മോഹന്‍ലാല്‍. ഈ സമയം പകര്‍ത്തിയതാണ് ചിത്രങ്ങള്‍. മമ്മൂട്ടിയുടെ വീട്ടില്‍ മണിക്കൂറുകള്‍ ചിലവഴിച്ച ശേഷമാണ് മോഹന്‍ലാല്‍ മടങ്ങിയത്. ഇച്ചാക്കയ്‌ക്കൊപ്പം എന്ന തലക്കെട്ടോട് കൂടിയാണ് താരം ചിത്രങ്ങള്‍ പങ്കുവച്ചിരിക്കുന്നത്.

ആന്റണി പെരുമ്ബാവൂരിന്റെ മകളുടെ കല്യാണത്തിനെത്തിയപ്പോള്‍ രണ്ട് സൂപ്പര്‍ താരങ്ങളും ചേര്‍ന്നെടുത്ത ചിത്രങ്ങളും സോഷ്യല്‍ മീഡിയ ഏറ്റെടുത്തിരുന്നു. കഴിഞ്ഞ ദിവസങ്ങളില്‍ മമ്മൂട്ടി പങ്കുവച്ച മുടിയും താടിയും വളര്‍ത്തിയ പുതിയ ലുക്കും വൈറലായിരുന്നു.