ഒത്തൊരുമിച്ച് 34 വർഷം, ലാലേട്ടനും സുചിത്രയ്‍ക്കും ഇന്ന് വിവാഹവാർഷികം

മോഹൻലാലിനെപ്പോലെ തന്നെ കുടുംബാം​ഗങ്ങളും പ്രേക്ഷകർക്ക് പ്രീയപ്പെട്ടതാണ്. എല്ലാ സ്നേഹത്തോടെയും പിന്തുണയോടെയും മോഹൻലാലിന് കരുത്തു പകരുന്ന അദ്ദേഹത്തിന്റെ പ്രിയ പത്നി സുചിത്രയോടും മലയാള സിനിമാ പ്രേക്ഷകർക്ക് ഏറെ സ്നേഹമാണ്.

മോഹൻലാലും സുചിത്രയും വിവാഹിതരായിട്ട് 33 വർഷം. പതിവ് തെറ്റിക്കാതെ ലാലേട്ടനും ചേച്ചിക്കും ആശംസകൾ അറിയിച്ച് ആരാധകരെത്തിയിട്ടുണ്ട്. മോഹൻലാൽ ഇതേക്കുറിച്ച് ഒന്നും പോസ്റ്റ് ചെയ്തില്ലെങ്കിലും ആരാധകർ ഇത് ആഘോഷമാക്കി മാറ്റിയിരിക്കുകയാണ്. 1988 ഏപ്രിൽ 28ന് ആറ്റുകാൽ ഭഗവതി ക്ഷേത്രത്തിൽ വെച്ചായിരുന്നു വിവാഹം. മമ്മൂട്ടിയും സുരേഷ് ഗോപിയുമുൾപ്പടെ സിനിമാലോകം ഒന്നടങ്കം മോഹൻലാലിന്റെ വിവാഹ വിരുന്നിൽ പങ്കെടുത്തിരുന്നു.

നിർമാതാവ് കെ ബാലജിയുടെ മകളായ സുചിത്രയെ മോഹൻലാലുമായി വിവാഹം കഴിപ്പിക്കാൻ തീരുമാനിച്ചു. എന്നാൽ ഇരുവരുടെയും ജാതകം ചേരില്ലെന്ന് കണ്ടതോടെ വിവാഹം വേണ്ടെന്ന് ഇരുകുടുംബങ്ങളും തീരുമാനിച്ചു. വിവാഹം നടക്കില്ലെന്ന് അറിഞ്ഞതോടെ മോഹൻലാൽ വീണ്ടും അഭിനയത്തിലേക്കും സുചിത്ര ചെന്നൈയിലേക്കും തിരിച്ച് പോയി. അങ്ങനെ ആ ആലോചന അവിടെ അവസാനിച്ചു. നാളുകൾക്കുള്ളിൽ മോഹൻലാൽ ആ പ്രൊപ്പോസലിനെ കുറിച്ച് മറന്നിരുന്നു.

രണ്ട് വർഷങ്ങൾക്കിപ്പുറും സുചിത്ര അവരുടെ ബന്ധുക്കളുടെ കോഴിക്കോടുള്ള വീട്ടിലെത്തി. അങ്ങനെ വീണ്ടും സുചിത്രയുടെ വിവാഹാലോചന മോഹൻലാലിന് വീണ്ടും ലഭിച്ചു. ഇരുവരുടെയും ജാതകം നോക്കിയതിൽ തെറ്റ് പറ്റിയതാണെന്ന് പിന്നീട് മോഹൻലാൽ മനസിലാക്കി. മാത്രമല്ല കഴിഞ്ഞ രണ്ട് വർഷവും സുചിത്ര തനിക്ക് വേണ്ടി കാത്തിരിക്കുകയായിരുന്നു. അക്കാര്യം അറിഞ്ഞതോടെ താരത്തിന് മറുപടി പോലും പറയാൻ സാധിച്ചില്ല. സിനിമയിൽ ഒരുപാട് പ്രണയിക്കുന്നതായി അഭിനയിച്ചിട്ടുണ്ടെങ്കിലും സുചിത്രയിൽ നിന്നും ലഭിച്ചത് വിചിത്രമായൊരു അനുഭവം ആയിരുന്നു. അങ്ങനെ ഇരുവരും ജീവിതത്തിൽ ഒന്നിച്ചു.