മണി ചെയ്ൻ തട്ടിപ്പ്, മലയാളികൾക്ക് കോടികൾ നഷ്ടമായി, ദിലീഷിനും താരക്കും എതിരേ എഫ് ഐ ആർ

സംസ്ഥാനത്ത് മണി ചെയ്ൻ തട്ടിപ്പ് ആഴത്തിൽ വേര് പടർത്തുന്നു. തട്ടിപ്പിന്റെ കൂടുതൽ വിവരങ്ങൾ പുറത്ത്. വി ട്രേഡ് എന്ന പേരിൽ നിക്ഷേപത്തിന്റെ മൂന്നിരട്ടി തിരികെ തരും എന്ന് പറഞ്ഞ് തട്ടിപ്പ് നടത്തിയവർക്കെതിരേ പോലീസ് കേസെടുത്തു. നിരവധി മലയാളികൾക്ക് ഇതിനകം വി ട്രേഡിന്റെ വലയിൽ പെട്ട് കോടികൾ നഷ്ടമായി. വി ട്രേഡ് മാത്രമല്ല ഒരോ മണി മാർകറ്റിങ്ങ് കണ്ണികളിലും ആരും കുടുങ്ങി വഞ്ചിതരാകരുത് എന്ന മുന്നറിയിപ്പ് പോലീസ് നൽകുന്നുണ്ട്. വർഷങ്ങൾക്ക് മുമ്പ് ആട് മാഞ്ചിയം തട്ടിപ്പിൽ 3000 കോടിയോളം രൂപയാണ്‌ തട്ടിപ്പ് നടന്നത്. കേരളത്തിലെ രാഷ്ട്രീയ നേതാക്കൾ ഉൾപ്പെടെ കണ്ണികളായ ഈ തട്ടിപ്പിൽ പണം പോയ ആർക്കും പണം തിരികെ കിട്ടിയില്ല. പ്രതികൾ ശിക്ഷിക്കപ്പെട്ടുമില്ല.

ആം വേ, ഡയോ ടെക്ക്, ഇൻഡസ് വിവ അങ്ങിനെ അനേകം മണി ചെയിനുകളും ഓൺലൈൻ മാർകറ്റിങ്ങുകളും ഇപ്പോൾ രംഗത്തുണ്ട്. ഇൻഡസ് വിവോ എന്ന ഓൺലൈൻ മാർകറ്റിൽ പ്രവർത്തിച്ചിരുന്ന മനോജിനെ അവിടെ നിന്നും വി ട്രേഡ് എന്ന ഓൺലൈൻ മാർകറ്റിലേക്ക് കൊണ്ടുപോയത് ദിലീഷ് കുമാർ എന്നയാളും താര എന്ന യുവതിയും ആയിരുന്നു. ഇപ്പോൾ 3 ലക്ഷം രൂപ തട്ടിയെടുത്ത് ദിലീഷ് കുമാറിനും താരയ്ക്കും എതിരേ പോലീസ് എഫ് ഐ ആർ ഇട്ട് കേസ് രജിസ്റ്റർ ചെയ്തിരിക്കുകയാണ്‌.