സദാചാര ആൾക്കൂട്ടം ക്രൂരമായി മർദ്ദിച്ച യുവാവ്‌ തൂങ്ങിമരിച്ച നിലയിൽ

മലപ്പുറം:സദാചാരക്കാർ നിയമം കൈയ്യിലെടുത്ത് പോലീസ് ആയി . വീണ്ടും കേരളത്തിൽ ദുരന്തം. ക്രൂരമായി മർദ്ദിച്ച യുവാവ്‌ മലപ്പുറത്ത് തൂങ്ങിമരിച്ച നിലയിൽ.. മലപ്പുറം കുറ്റിപ്പാല സ്വദേശി മുഹമ്മദ് സാജിദിനെയാണ് (32) വീട്ടിൽ തൂങ്ങിമരിച്ച നിലയിൽ കണ്ടെത്തിയത്. കഴിഞ്ഞ ദിവസം രാത്രി പണിക്കർപടി മമ്മാലിപ്പടിയിൽ അസമയത്ത് ഇയാളെ ഒരു വീടിന്റെ പരിസരത്ത് കണ്ട നാട്ടുകാർ കെട്ടിയിട്ട് മർദിക്കുകയായിരുന്നു. ഒരു വീടിന്റെ പരിസരത്ത് കണ്ട് എന്ന കുറ്റത്തിനു ക്രൂരമായി മർദ്ദിക്കുകയും വിവസ്ത്രനാക്കുകയും ചിത്രങ്ങൾ വാടസ്പ്പിൽ പ്രചരിക്കുകയും ആയിരുന്നു.കൈയ്യും കാലും കെട്ടിയിട്ടും മർദ്ദിച്ചിരുന്നു

ഇതിൽ മനംനൊന്താണു യുവാവ് ആത്മഹത്യ ചെയ്യുകയായിരുന്നുവെന്നാണു ബന്ധുക്കളുടെ ആരോപണം. അതേസമയം, ആക്രമണ സമയത്തു യുവാവിന്റെ ശരീരത്തിൽ കെട്ടോ പരുക്കുകളോ ഉണ്ടായിരുന്നില്ലെന്ന് പൊലീസ് പറഞ്ഞു. ഇരുകൂട്ടർക്കും പരാതി ഇല്ലാത്തതിനാൽ കേസെടുത്തിരുന്നില്ല. ഇതിനിടെയാണ് ദൃശ്യങ്ങൾ വാട്സാപ്പ് വഴി പ്രചരിച്ചത്.