ചേരാനല്ലൂര്: സോഷ്യല് മീഡിയകളിലൂടെ ആത്മീയതയുടെ മറവില് തട്ടിപ്പ് നടത്തി ചികിത്സാ സഹായത്തിനെന്ന പേരില് പണം കൈക്കലാക്കിയ അമ്മയെയും മകളെയും പോലീസ് പിടികൂടി. പാലാ ഓലിക്കല് മറിയാമ്മ സെബാസ്റ്റ്യന് എന്ന 59കാരിയും ഇവരുടെ മകള് 29കാരി അനിതയുമാണ് പോലീസ് പിടിയിലായത്.
ഗുരുതരമായ രോഗം ബാധിച്ച് ഇടപ്പള്ളി അമൃത ആശുപത്രിയില് ചികിത്സയില് കഴിയുന്ന പെണ്കുട്ടിക്ക് ചികിത്സയ്ക്ക് എന്ന വ്യാജേന ക്രിസ്തീയ ആത്മീയ കേന്ദ്രങ്ങളുടെ പേരില് ഇരുവരും വ്യാജ പ്രൊഫൈല് നിര്മ്മിച്ചായിരുന്നു തട്ടിപ്പ്. കുട്ടിയുടെ ചികിത്സാ സഹായം ആവശ്യപ്പെട്ട് സോഷ്യല് മീഡിയയില് ഗ്രൂപ്പിലെ വിവരങ്ങളിലേക്ക് ഇവരുടെ അക്കൗണ്ട് നമ്പര് മാറ്റി ചേര്ക്കുകയായിരുനന്നു. ഈ വിധത്തില് ഒട്ടേറെ പേരില് നിന്നുമായി ഇവരുടെ അക്കൗണ്ടില് പണമെത്തി.
വ്യാജ സന്ദേശം ശ്രദ്ധയില് പെട്ടതോടെ അമൃത ആശുപത്രിയിലെ ഡോക്ടറാണ് സോഷ്യല് മീഡിയയിലെ അഡ്മിനെ അറിയിച്ചത്. തുടര്ന്ന് പരാതി ലഭിച്ചതോടെ പോലീസ് നടത്തിയ അന്വേഷണത്തിലാണ് ഇരുവരും അറസ്റ്റിലായത്. 3 വര്ഷം മുന്പ് പാലായിലെ സഹകരണ ബാങ്കില് നിന്നു പണം തട്ടിയ കേസിലെ പ്രതിയാണ് മറിയാമ്മ സെബാസ്റ്റ്യന്. പാലായിലെ സഹകരണ ബാങ്കിലെ കാഷ്യറായിരുന്നു മറിയാമ്മ. ഇവര് ജോലി ചെയ്തിരുന്ന ബാങ്കില് നിന്ന് പല തവണയായി 50 ലക്ഷം രൂപ തട്ടിയെടുത്തതായിരുന്നു കേസ്.
പാലായിലെ ഒരു ബാങ്കിന്റെ എടിഎം ക്യാഷ് ഡെപ്പോസിറ്റ് മെഷീനില് കള്ളനോട്ട് നിക്ഷേപിച്ചതിനു ഇവരുടെ മകന് അരുണ് നേരത്തെ പിടിയിലായിരുന്നു. മകനെ കള്ളനോട്ടുമായി ബന്ധപ്പെട്ട് പൊലീസ് അന്വേഷിച്ചതോടെ മറിയാമ്മ ബാങ്കില് എത്തിയില്ല. ഇതേത്തടുര്ന്ന് ബാങ്ക് അധികൃതര് നടത്തിയ പരിശോധനയില് പണം കുറവുള്ളതായി കണ്ടെത്തിയത്.
അസി.കമ്മിഷണര് കെ.ലാല്ജിയുടെ നേതൃത്വത്തില് ഇന്സ്പെക്ടര് വിപിന് കുമാര്, എസ്ഐ സന്തോഷ് മോന്, എഎസ്ഐ വി.എ.ഷുക്കൂര്, സിഗോഷ് പോള് എല്വി, ഷീബ, പ്രശാന്ത് ബാബു, പ്രിയ ജിനി, ജാന്സി എന്നിവരടങ്ങുന്ന സംഘമാണ് അറസ്റ്റ് ചെയ്തത്. ഇരുവരെയും കോടതിയില് ഹാജരാക്കി റിമാന്ഡ് ചെയ്തു.
"ജയ് പാലസ്തീൻ, തക്ബീർ" മുഴക്കി പാർലമെന്റിൽ സത്യപ്രതിജ്ഞാ ചെയ്ത AIMIM അദ്ധ്യക്ഷൻ അസദുദ്ദീൻ ഒവൈസിക്കെതിരെ കടുത്ത വിമർശനം. 18-ാമത് ലോക്സഭയിൽ…
മലയാളികളുടെ പ്രീയപ്പെട്ട നടനും കേന്ദ്രമന്ത്രിയുമായ സുരേഷ് ഗോപിയുടെ 65-ാം പിറന്നാളാണ് ഇന്ന്. വ്യക്തിജീവിതത്തിലും രാഷ്ട്രീയത്തിലും ശോഭിച്ചുനില്ക്കുന്ന വേളയിലാണ് അദ്ദേഹത്തിന്റെ ഇത്തവണത്തെ…
തിരുവനന്തപുരം : ക്വാറി ഉടമ ദീപുവിന്റെ കൊലപാതകത്തിൽ പ്രതി പോലീസിന്റെ പിടിയിലായി,നേമം സ്വദേശിയായ ആക്രികച്ചവടക്കാരനാണ് പ്രതിയെന്ന സൂചന. പ്രതിയെ വിശദമായി…
കോട്ടക്കൽ: വിവാഹത്തിൽ നിന്ന് പിന്മാറിയതിന് വധുവിന്റെ വീടിന് നേരെ വെടിയുതിർത്ത് വരൻ. സംഭവത്തിൽ പ്രതി അബൂത്വാഹിറിനെ പോലീസ് കസ്റ്റഡിയിലെടുത്തു. മലപ്പുറം…
കേരളത്തിലെ പ്രമുഖ ദൃശ്യ മാധ്യമപ്രവർത്തകനും റിപ്പോർട്ടർ ടി വി എഡിറ്റർ ഇൻ ചീഫുമായ എംവി നികേഷ് കുമാർ രാഷ്ട്രീയത്തിലേക്ക് പ്രവേശിക്കുകയാണെന്ന…
തിരുവനന്തപുരം കളിയിക്കാവിളയിൽ റോഡിൽ നിർത്തിയിട്ട കാറിനുള്ളിൽ കരമന സ്വദേശിയായ ക്വാറി ഉടമ ദീപുവിന്റെ മൃതദേഹം കണ്ടെത്തിയ സംഭവത്തിൽ കൃത്യം ചെയ്തത്…