തൊടുപുഴയില് അമ്മയുടെ കാമുകന് എട്ടുവയസുകാരനെ മര്ദ്ദിച്ചുകൊന്ന കേസില് പ്രതിയായ കുട്ടിയുടെ അമ്മ അര്ച്ചനയെ കോടതി മാപ്പുസാക്ഷിയാക്കി.കുട്ടിയെ മര്ദ്ദിക്കുന്നത് കണ്ടിട്ടും മൗനം പാലിച്ചതും അരുണിന് രക്ഷപെടാന് അവസരമൊരുക്കിയതുമാണ് അര്ച്ചനക്ക് പ്രതിയാക്കാന് കാരണം. കേസില് മാപ്പുസാക്ഷിയാക്കണമെന്ന അമ്മയുടെ അപേക്ഷ പരിഗണിച്ച കോടതി അനുകൂലമായി തീരുമാനമെടുക്കുകയായിരുന്നു.
കേസില് നാളെയും വാദം തുടരും. നാളെ പ്രതിഭാഗം വാദം കേട്ട ശേഷമായിരിക്കും കുറ്റപത്രം വായിച്ചുകേള്പ്പിക്കുക. തൊടപുഴ അഡീഷണല് ഡിസ്ട്രിക്ട് ആന്റ് സെഷന് കോടതി ഇന്ന് കേസ് പരിഗണിച്ചപ്പോള് തന്നെ തങ്ങളുടെ ഭാഗം കേള്ക്കാന് സമയം വേണമെന്ന് പ്രതിഭാഗം നിലപാടെടുത്തു. തുടര്ന്ന് അധിക ദിവസത്തേക്ക് കേസ് നീട്ടാനാവില്ലെന്നും നാളെ പ്രതിഭാഗം വാദം കേള്ക്കുമെന്നും കോടതി അറിയിച്ചു. കേസില് കുറ്റപത്രം വായിച്ചുകേള്ക്കാന് പ്രതി അരുണ് ആനന്ദിനെ നേരിട്ട് ഹാജാരാക്കണമെന്നായിരുന്നു കോടതിയുടെ നിര്ദ്ദേശം. ശാരീരിക അസ്വസ്ഥതകള് മൂലം അരുണ് ആനന്ദിന് ഹാജരാകാനായില്ല. പൂജപ്പുര സെന്ട്രല് ജെയിലില് കഴിയുന്ന അരുണ് ഓണ്ലൈനായാണ് കേസ് കേട്ടത്.
2019 മാര്ച്ചിലാണ് കേസിനാസ്പദമായ സംഭവം. സഹോദരന് സോഫയില് മൂത്രമൊഴിച്ചുവെന്ന് പറഞ്ഞ് പ്രതി അരുണ് ആനന്ദ് എട്ടുവയസുകാരനെ മര്ദ്ദിക്കുകയായിരുന്നു. ഇതാണ് മരണത്തിനിടയാക്കിയത്. കുട്ടിയെ നിലത്തിട്ട് ചവിട്ടി കാലില് പിടിച്ച് തറയില് അടിച്ച തലച്ചോര് പുറത്തുവന്നപ്പോഴാണ് മര്ദ്ദനം അവസാനിപ്പിച്ചത്. ആശുപത്രി കിടക്കയില് 10 ദിവസത്തോളം പോരാടിയാണ് കുട്ടി മരണത്തിന് കീഴടങ്ങിയത്. കേസില് 2019 മാര്ച്ച് 30ന് അരുണ് ആനന്ദ് പിടിയിലായി. പൊലീസ് നടത്തിയ അന്വേഷണത്തില് അരുണ് മുമ്പും കുട്ടിയെ മര്ദ്ദിച്ചിരുന്നുവെന്ന് കണ്ടെത്തി. മര്ദ്ദിച്ചിട്ടുണ്ടെന്ന് അമ്മയും പൊലീസിനോട് സമ്മതിച്ചു. ഈ മൊഴികളുടെ അടിസ്ഥാനത്തില് ശാസ്ത്രീയ തെളിവുകളടക്കം ശേഖരിച്ചാണ് പൊലീസ് കുറ്റപത്രം തയ്യാറാക്കിയത്.
കൊല്ലം: പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച കേസിൽ പ്രതിക്ക് 16 വര്ഷം കഠിനതടവും 40,000 രൂപ പിഴയും വിധിച്ച് കോടതി.…
വൈക്കം: സൈന്യത്തില് ജോലി വാഗ്ദാനം ചെയ്ത് യുവാവില്നിന്ന് എട്ട് ലക്ഷത്തോളം രൂപ തട്ടിയെടുത്ത കേസില് ഒരാൾ അറസ്റ്റിൽ. എറണാകുളം എയിംസ്…
ന്യൂഡൽഹി: കൊടിക്കുന്നിൽ സുരേഷ് എംപിയെ ലോക്സഭാ പ്രോ ടേം സ്പീക്കറായി നിയമിക്കാത്തതിൽ വിശദീകരണവുമായി കേന്ദ്ര സർക്കാർ. കീഴ്വഴക്കം പിന്തുടർന്നാണ് ഭർതൃഹരിയെ…
സൗദിയിൽ ആയിരത്തിലേറെ പേർ പിടഞ്ഞ് മരിച്ചു. ഹാജിമാരുടെ മൃതദേഹങ്ങൾ കോവിഡിനേക്കാൾ ഭീകരം, സൗദിയിൽ നടക്കുന്നത് മനുഷ്യരുടെ കൂട്ട മരണം. കൂട്ട…
ന്യൂഡൽഹി∙ ചൈന സന്ദർശിക്കാനിരിക്കെ പ്രധാനമന്ത്രി നരേന്ദ്രമോദിയുടെ പ്രത്യേക ക്ഷണം സ്വീകരിച്ച് ബംഗ്ലദേശ് പ്രധാനമന്ത്രി ഷെയ്ഖ് ഹസീന ഇന്ത്യയിലെത്തി. വെള്ളിയാഴ്ച ന്യൂഡൽഹിയിലെത്തിയ…
മലപ്പുറം∙വീട്ടിൽ അതിക്രമിച്ചു കയറി മൂന്നംഗസംഘം യുവതിയെ കൂട്ടബലാത്സംഗം ചെയ്തതായി പരാതി. വളാഞ്ചേരി സ്വദേശിനിയുടെ പരാതിയിൽ പൊലീസ് കേസെടുത്തു. മൂന്നു ദിവസം…