12 കാരിയെ പീ ഡിപ്പിച്ച കേസിൽ അമ്മയുടെ കാമുകൻ കോടതിയിൽ കീഴടങ്ങി

12കാരിയെ പലതവണ പീ ഡിപ്പിച്ച അമ്മയുടെ കാമുകൻ കോടതിയിൽ കീഴടങ്ങി. മലപ്പുറത്താണ് സംഭവം, കുട്ടിയുടെ അമ്മയെ നേരത്തെ പോലീസ് വീട്ടിൽ‌ നിന്ന് അറസ്റ്റ് ചെയ്തിരുന്നു. പെൺകുട്ടിയുടെ സംരക്ഷണം മുത്തശ്ശനും മുത്തശ്ശിയും ഏറ്റെടുത്തു. പ്രായപൂർത്തിയാകാത്ത പെൺകുട്ടിയെ വാടക വീടുകളിൽ വെച്ച് പല തവണ പീ ഡിപ്പിച്ചുവെന്നാണ് കേസ്. ഒളിവിലായിരുന്ന യുവാവ് മഞ്ചേരി പോക്സോ സ്പെഷ്യൽ കോടതി മുമ്പാകെ കീഴടങ്ങിയത്. പാലക്കാട് ചെർപ്പുളശ്ശേരി ചളവര ചിറയിൽ വിനീഷ് ആണ് കീഴടങ്ങിയത്.

2019 ജനുവരി ഒന്നു മുതൽ 2021 ജൂൺ 30 വരെയുള്ള കാലയളവിൽ ആനമങ്ങാടും വള്ളിക്കാപ്പറ്റയിലുമുള്ള വാടക വീടുകളിൽ വെച്ച് പല തവണ പീഡിപ്പിച്ചുവെന്നാണ് കേസ്. ഒക്ടോബർ 19ന് കുട്ടി മലപ്പുറം വനിതാ പൊലീസിൽ പരാതി നൽകുകയായിരുന്നു. പ്രതിക്ക് ഒത്താശ ചെയ്തു നൽകിയതിന് കുട്ടിയുടെ മാതാവായ 30 കാരിയെ 20ന് പൊലീസ് അറസ്റ്റ് ചെയ്തിരുന്നു. ഇവർ റിമാന്റിലാണ്.

ഒളിവിൽ ഉള്ള പ്രതിയെ തേടി പോലീസ് ഇയാളുടെ ബന്ധു വീടുകളിൽ എല്ലാം അന്വേഷണം നടത്തിയിരുന്നു. ഒരിടത്ത് നിന്ന് പോലീസിനെ കണ്ട് ഇയാള് ഇറങ്ങി ഓടി രക്ഷപ്പെടുക ആയിരുന്നു. ഇതിനു പിന്നാലെ ആണ് പ്രതി മഞ്ചേരി പോക്സോ കോടതിയിൽ എത്തി കീഴടങ്ങിയത്.

അമ്മയും കാമുകനും വീട്ടു തടങ്കലിൽ പാർപ്പിച്ച് ലൈംഗികമായി പീഡിപ്പിച്ച പതിനൊന്നുകാരി പെൺകുട്ടിയെ മലപ്പുറത്ത് ചൈൽഡ് ലൈനും പൊലീസും ചേർന്ന് ആണ് രക്ഷപെടുത്തിയത് കഴിഞ്ഞ മാസം ആണ്. തിരുവനന്തപുരം ജില്ലയിൽ നിന്നും മലപ്പുറം മങ്കടയിൽ വന്ന് വാടകക്ക് താമസിക്കുക ആയിരുന്നു യുവതിയും 12 കാരിയായ മകളും. ഭർത്താവുമായി അകന്നു കഴിഞ്ഞിരുന്ന ഇവർ ഇവിടെ കാമുകന് ഒപ്പം ലിവിംഗ് ടുഗദർ ആയാണ് കഴിഞ്ഞിരുന്നത്.