യുവയുടെ വീട്ടില്‍ വലതുകാല്‍ വെച്ച മൃദുല, വീഡിയോ പങ്കുവെച്ച് നടി

മിനിസ്‌ക്രീന്‍ പ്രേക്ഷകര്‍ കാത്തിരുന്ന വിവാഹമായിരുന്നു കഴിഞ്ഞ ദിവസം നടന്നത്. നടി മൃദുല വിജയിയും നടന്‍ യുവകൃഷ്ണയും തമ്മിലുള്ള വിവാഹത്തിനാണ് കഴിഞ്ഞ ദിവസം സാക്ഷ്യം വഹിച്ചത്. വിവാഹ നിശ്ചയം കഴിഞ്ഞ് നീണ്ട നാളുകള്‍ക്ക് ശേഷമാണ് ഇരുവരും വിവാഹിതര്‍ ആയത്. ഇപ്പോള്‍ വിവാഹ ശേഷം ഭര്‍ത്താവ് യുവകൃഷ്ണയുടെ വീട്ടിലേക്ക് പ്രവേശിക്കുന്നതിന്റെ വീഡിയോ പങ്കുവെച്ച് രംഗത്ത് എത്തിയിരിക്കുകയാണ് മൃദുല.

ആചാര പ്രകാരം നിലവിളക്ക് തിരിതെളിച്ച് കൈയ്യില്‍ പിടിച്ചു കൊണ്ടാണ് മൃദുല യുവകൃഷ്ണയുടെ വീട്ടിലേക്ക് വലതുകാല്‍ വെച്ചത്. ഉണ്ണിയേട്ടനൊപ്പം പുതിയ തുടക്കം എന്നാണ് വീഡിയോയ്ക്ക് ഒപ്പം മൃദുല കുറിച്ചത്. തിരുവനന്തപുരം ആറ്റുകാല്‍ ക്ഷേത്രത്തില്‍ വെച്ച് ജൂലൈ എട്ടിനായിരുന്നു ഇവരുടെ വിവാഹം. കോവിഡ് മാനദണ്ഡങ്ങല്‍ പാലിച്ച് നടന്ന ചടങ്ങില്‍ അടുത്ത ബന്ധുക്കള്‍ മാത്രമാണ് പങ്കെടുത്തത്.

അഭിനയത്തിന് പുറമെ ഡാന്‍സും മിമിക്രിയുമായി സജീവമാണ് മൃദുല. യുവകൃഷ്ണ ആകട്ടെ മെന്റിലിസ്റ്റാണ്. ഇരുവരും ഇതുവരെ പരമ്പരകളില്‍ ഒന്നിച്ച് എത്തിയിട്ടില്ല. വിവാഹത്തിന് മണിക്കൂറുകള്‍ക്ക് മുന്‍പ് നിമിഷങ്ങളുടെ അനുഭൂതി പറഞ്ഞറിയിക്കാനാവില്ലെന്നാണ് യുവയും മൃദുലയും പറയുന്നത്. യുവയോട് ചേര്‍ന്നുള്ള ചിത്രമായിരുന്നു മൃദുല ഇന്‍സ്റ്റഗ്രാം സ്‌റ്റോറിയില്‍ പോസ്റ്റ് ചെയ്തത്. യുവയും ഇതേ ചിത്രം തന്നെയാണ് പങ്കുവെച്ചിരിക്കുന്നത്.